“მინდა იცოდეთ, როგორ დავიხსენით საქართველო და გადავიყვანეთ აღმოსავლეთ ევროპაში…” – მიხეილ სააკაშვილი

“მინდა იცოდეთ, როგორ დავიხსენით საქართველო და გადავიყვანეთ აღმოსავლეთ ევროპაში…” – საქართველოს მესამე პრეზიდენტი მიხეილ სააკაშვილი, 2008 წელს, საგარეო საქმეთა მინისტრებთან შეხვედრას იხსენებს. ამის შესახებ საუბარია მის მიერ კლინიკა ვივამედიდან გავრცელებულ განცხადებაში:

”მე მინდა იცოდეთ, როგორ დავიხსენით საქართველო უბრალოდ სამხრეთ კავკასიის ქვეყნის სტატუსიდან და გადავიყვანეთ აღმოსავლეთ ევროპაში. 2008 წლის სექტემბერში შევიკრიბეთ მე, შვედეთისა და პოლონეთის საგარეო მინისტრები, კარლ ბილდტი და რადეკ სიკორსკი, ევროკომისიის თავმჯდომარე ბაროსო. მაშინ ბაროსომ მითხრა, რომ ჩვენ უნდა შეგვექმნა აღმოსავლეთის პარტნიორობა, როგორც პასუხი საქართველოზე რუსეთის თავდასხმაზე. “თუ გაიმარჯვებთ თქვენ, რუსეთი დამარცხდება და მე მინდა ის დამარცხდეს”, – თქვა ბაროსომ.

თავდაპირველად, ვარაუდობდნენ საქართველოს, უკრაინისა და მოლდოვას ჩართვას. ჩემი წინადადებით დაამატეს ბელარუსი და სომხეთი. ბელარუსი ძალიან ბედნიერი იყო, ხოლო სომხეთში მე და ბაროსოს ერთად მოგვიხდა ჩაფრენა და მაინც არაფერი გამოგვივიდა, იმდენად დიდი იყო რუსეთის შიში ერევანში.

ამ ყველაფერს იმიტომ ვყვები, რომ ერთ დროს ჩვენ ვიყავით ფლაგმანები და ახლა სად ვართ?

მეცინება, ტელევიზიით როდესაც მესმის, რომ საქართველოს ახლანდელ ხელისუფლებას რამის კეთება ვაიძულოთ. ათი წელი არ გვეყო იმის გაგება, რომ ვერავის ვერაფერს ვაიძულებთ?! ძალიან უკბილო ხუმრობად ჩანს უკვე ეს. მომაბეზრებელია ტელევიზიით ოპონენტების ყურება, რომ თურმე თუ ხელისუფლება ვერ დავარწმუნეთ, არაფერი გამოვა. ეს არის საკუთარი თავების და ხალხის მოტყუების მცდელობა, – წერს მიხეილ სააკაშვილი.

გააზიარეთ და მოიწონეთ სტატია:

მსგავსი სტატიები:

ივანიშვილის ზღაპრული სასახლეები შეკვეთილში-ფოტოები კარლ ჰარცელი: „პროცესები, რომლებიც მიმდინარეობდა საქართველოში, საკანონმდებლო ორგანოში გადაინაცვლებს“ მოსახლეობის უმეტესი ნაწილი უპირატესობას „ფაიზერს“ ანიჭებს – ძვირფასს დროს ვკარგავთ მოლოდინში როცა შენ ყოფილ მეგობარზე გეგმავ რა დააბრალო, მორალური დაცემის მაგალითიც აღარაა – მელია მოშე კლუგჰაფტის გეგმაზე ზურაბ ზვიადაური 50 000 ლარიანი გირაოთი, სასამართლო დარბაზიდან გაათავისუფლეს ”პროგნოზი შემაშფოთებელია..სიკვდილს ვეთამაშებით” – იმნაძე რას ნიშნავს შენი სახელი? – საქართველოში გავრცელებული სახელების განმარტებები ერთხელ ლანჩხუთში პრისტავი ჯაფარიძე დაეცა სისონა დარჩიას