ხვალიდან რადიკალური ოპოზიცია „ბაკურიანის გეგმის“ შესრულებაზე გადადის – თალაკვაძე აქციაზე

ხვალიდან რადიკალური ოპოზიცია „ბაკურიანის გეგმის“ შესრულებაზე გადადის, რაც არეულობის მოწყობას გულისხმობს – არავითარ რიგგარეშე არჩევნებს ჩვენ არ განვიხილავთ. – ამის შესახებ პარლამენტის ვიცე-სპიკერმა, არჩილ თალაკვაძემ „პალიტრანიუსის“ გადაცემა „თავისუფალ სტუდიაში“ განაცხადა.

„რაც შეეხება ხვალინდელ აქციას, ჩვენ თავიდანვე ვთქვით, რომ შემდეგ აქციაზე „ნაციონალური მოძრაობა“ ეცდება დადგეს არა უკანა რიგებში, არამედ წინა რიგებში, ეცდება, რომ დაანონსოს უკვე თავისი დესტაბილიზაციის გეგმა. როდესაც 9 არჩევნები წააგეს და ხედავენ, რომ ახალი პოლიტიკური პარტიები გამოჩნდნენ პარლამენტსა და პოლიტიკაში, რა თქმა უნდა, ისინი ხვდებიან, რომ დღეს მათთვის ყველაზე სასურველი მოკლე გზა, ეს არის დესტაბილიზაცია და საარჩევნო ყუთის გვერდის ავლით, რამენაირად ხელისუფლებაში დაბრუნება. ისინი ღიად ლაპარაკობენ, რომ ხვალინდელი აქცია პირდაპირ ემსახურება დესტაბილიზაციას, ძალადობრივი მოწოდებებიც იყო გაკეთებული. ხვალიდან უკვე, რადიკალური ოპოზიცია გადავა „ბაკურიანის გეგმის“ შესრულებაზე, რაც არის მხოლოდ და მხოლოდ დესტაბილიზაციის, არეულობის და არჩევნების გვერდის ავლის გეგმა, სხვა გეგმა და შანსი ამ რადიკალურ ოპოზიციას არ აქვს ხელისუფლებაში დაბრუნებისთვის.“, – განაცხადა არჩილ თალაკვაძემ.

გააზიარეთ და მოიწონეთ სტატია:

მსგავსი სტატიები:

რომელმა ერმა შექმნა ჩოხა და საიდან გავრცელდა ჩოხა-ახალუხი საქართველოში “მონობაზე დიდი უბედურება მხოლოდ მონის მონობაა” – მონობის ისტორიიდან ოზურგეთის საკრებულოს თავმჯდომარის ყოფილი მოადგილე კორონა ვირუსით გარდაიცვალა კობახიძე 20 ივნისზე-მაქვს კითხვა: რატომ არ იქნა გამოყენებული წყლის ჭავლი და სხვა რბილი საშუალებები? სკოლებში სასწავლო პროცესი 15 სექტემბრიდან 4 ოქტომბრამდე დისტანციურ რეჟიმში განახლდება “მიხეილ სააკაშვილის ვიდეო კადრების გამოქვეყნება არის ძალიან საეჭვო და სამწუხარო ქმედება”-კარლ ჰარცელი საქართველოში ზედიზედ 3 მიწისძვრა მოხდა “მოსახლეობა მარტივად იგრძნობს, როცა რუსეთიდან არ შემოვა პური, მაკარონი, ზეთი…” – “ოცნების” დეპუტატი