საქართველოს მოსახლეობა ევროკავშირის უმნიშვნელოვანესი გადაწყვეტილების შემდეგ თბილისის მთავარ გამზირზე იკრიბება. დღეს, 24 ივნისს, 20:00 საათზე, პარლამენტის მიმდებარედ, მორიგი მასშტაბური აქცია, “შინ ევროპისკენ” გაიმართება.
აქციის ორგანიზატორი მოძრაობა “სირცხვილიაა”, რომლის წევრებმაც 20 ივნისს გამართულ აქციაზე უკვე თქვეს, რომ იმ შემთხვევაში თუ ევროკავშირის წევრობის კანდიდატის სტატუსის ნაცვლად საქართველო
მხოლოდ შესასრულებელ პირობებს მიიღებდა, ახალი სახალხო მოძრაობა ხელისუფლების წინააღმდეგ კონკრეტული მოთხოვნებით სახალხო პროტესტს დაიწყებდა.
ჩვენ არაერთხელ ვიხილეთ უპირობო მხარდაჭერა ქართველი ხალხისადმი. გვსურს დაგიბრუნოთ მადლობა და ხაზგასმით გავიმეოროთ, რომ ქართველი ხალხი პრინციპულად დაიცავს ევროპულ არჩევანს და მომავალს. ჩვენ ვიცით რა ეღობება მას წინ, ეს ევროპულმა კომისიამაც ხაზგასმით ჩაგვიწერა რეკომენდაციაში – საქართველოში უნდა მოხდეს დეოლიგარქიზაცია და ზედმიწევნით შესრულდეს ევროპული კომისიის პუნქტები.
ქართველი ხალხის არჩევანი არის ურყევი, ერთიანი და პრინციპული. საქართველო, უკრაინასა და მოლდოვასთან ერთად, გახდება ევროკავშირის წევრი. გელოდებით, 20:00 საათზე, პარლამენტის წინ, – წერს მოძრაობა “სირცხვილია”.
ცნობილია, რომ აქციას “შინ ევროპისკენ” 15 უნივერსიტეტის სტუდენტებიც შეუერთდებიან.
მსგავსი სტატიები:
ეშინიათ დაზუსტების, იციან რასაც აპროტესტებდნენ ფარსია- კობახიძე საოლქო კომისიებთან აქციაზე
ატყუებენ ამომრჩევლებს, თითქოს წუთის წუთზე რევოლუციური სცენარი დაიწყება- წულუკიანი
ცნობილი წყვილების 7 წერილი, რომელიც გრძნობების ფურცელზე გადმოტანას მოგანდომებთ
“ოცნებაში” არიან გაწონასწორებული, წესიერი ადამიანები, მეორე მხარეს კი ჩვეულებრივი ბომჟები”
“ჰოი, საოცრებავ, “დაოუკიდებელი სასამართლოს” გადაწყვეტილება პროკურატურის შუამდგომლობას დაემთხვა”
“ივანიშვილი მიშას კი არა, ამ ქვეყნის წარსულს, აწმყოსა და მომავალს ათრევს დილეგის დერეფნებში” – ვახო სანაია
რატომ დააკავეს ტორესა მოსი, თელავში, “გირჩის” მიერ ორგანიზებულ საპროტესტო აქციაზე?
“რუსი ალიგარქები მოიკითხეთ თქვენს ტელევიზიებში” – კობახიძე ჟურნალისტებს