გაერთიანებული ერების ორგანიზაციის ხელმძღვანელის, ანტონიო გუტიერესის თანახმად, წელს მსოფლიოში შიმშილის რეალური რისკია. გუტიერესი მინისტრებს მოუწოდებს, გამართონ შეხვედრა სასურსათო უსაფრთხოებასთან დაკავშირებით და გადადგან პრაქტიკული ნაბიჯები, რათა ბაზარი დასტაბილურდეს და შემცირდეს სამომხმარებლო ფასების მერყეობის მაღალი დონე. ამის შესახებ გამოცემა Reuters წერს.
„ჩვენ უპრეცედენტო გლობალური შიმშილის წინაშე ვართ. ომმა უკრაინაში გაამძაფრა პრობლემები, რომლებიც წლების განმავლობაში მწიფდებოდა: კლიმატური პირობები, კორონავირუსის პანდემია და არათანაბარი აღდგენის პროცესი“, – ამბობს გუტიერესი.
საკვების ინტეგრირებული უსაფრთხოების ფაზის კლასიფიკაციის ინდექსით (IPC), რომელსაც გარეოს სააგენტოები იყენებენ სასურსათო უსაფრთხოების გასაზომად, 34 ქვეყანაში მილიონობით ადამიანია შიმშილობის ზღვარზე.
გაეროს ხელმძღვანელის თანახმად, ამ პრობლემის გადაწყვეტა შეუძლებელია მანამ, სანამ უკრაინა და რუსეთი, რომლებზეც ხორბლის გლობალური ექსპორტის 29% მოდის, ვაჭრობის გასაგრძელებლად გზას არ მონახავენ.
უკრაინის პორტები რუსეთის მიერ ქვეყანაში შეჭრის შემდეგ დაბლოკილია. მოსკოვში გარკვეული სანქციების მოხსნას ითხოვენ და ამის შემდეგ განაახლებენ მარცვლეულისა და სასუქის ექსპორტს. გაერო და თურქეთი რუსეთთან შეთანხმების მიღწევაზე მუშაობენ.
მსგავსი სტატიები:
“ქართველმა ქალებმა, კაცებისგან ერთმანეთისთვის გამეტებული ტყვიით დაცხრილული ქვეყანა გადაარჩინეს”
“თუ კოვიდი გადაიტანე და ანტისხეულები გაგივითარდა, 10-ჯერ მცირდება შენი რეინფექციის რისკი“
“დაუნახავი უნდა იყო კაცი ბიძინას სიკეთე არ დაინახო”
“ხელისუფლების ბრალია, არჩევნების წინ ევაჭრებიან ადგილობრივ მუსლიმებს”
მოეხსნებათ თუ არა გერმანიაში დროებით სამუშაოდ წასულ მოქალაქეებს სოციალური დახმარება
ლალი მოროშკინა ბერას მაგინებლებს: მე უარესს გიზამთ
პური ისევ ძვირდება
როგორია მოსახლეობის შემოსავლები და ხარჯები საქართველოში – 2020 წლის მონაცემები