პოლიტოლოგი გია ხუხაშვილი სოციალურ ქსელში წერს, რომ სისტემური ცვლილებების და განვითარების სწორ გზაზე ქვეყნის მშვიდობიანად დაბრუნების გარანტი მხოლოდ ბიძინა ივანიშვილის ჩრდილიდან გამოყვანა იქნება.
“მკურნალობის დაწყება არა დაავადების წყაროდან, არამედ იმ ორგანოებიდან, რომელზეც წყაროს გამო მიიღე გართულებები, უშედეგოა. კაპიტულაციის პირობებზე უნდა ესაუბრო იმას, ვინც უფლებამოსილია ხელი მოაწეროს შესაბამის აქტს, ანუ მხოლოდ ერთადერთ ადამიანს – ბიძინა ივანიშვილს.
იმით, რომ მიუხედავად მისი როლის იდენტიფიცირებისა, მოძრაობა მას არ განიხილავს პროცესის სუბიექტად, თითქოს ის რაღაც აბსტრაქციაა და თითქოს თავისით გაქრება და აორთქლდება, მხოლოდ აძლიერებს მისი უძლეველობის მითოლოგიას და უტოვებს მანევრს, საჭიროების შემთხვევაში “განტევევის ვაცების” შეწირვით შემოიფარგლოს. მცდარი და მიამიტი გაგებაა, რომ თუ მისი კონკრეტული ხელისბიჭები წავლენ, ისიც გაქრება. მხოლოდ მისი ჩრდილიდან გამოყვანა, მოლაპარაკებების მაგიდასთან დასმა, თავისივე გაფუჭებულის გამოსწორების იძულება გარდამავალ ეტაპზე, შემდგომი ჩამოშორებით, იქნება ქვეყანაში სისტემური ცვლილებების და მისი განვითარების სწორ გზაზე მშვიდობიანად დაბრუნების გარანტი”, – წერს ხუხაშვილი Facebook-ზე.
ამასთან, ხუხაშვილი ხაზს უსვამს, რომ მიესალმება სამოქალაქო საზოგადოების გააქტიურებას მას შემდეგ, რაც ევროპულმა საბჭომ საქართველოს კანდიდატის სტატუსის მიღების სანაცვლოდ პირობები დაუთქვა.
“ცალსახად მივესალმები და მხარს ვუჭერ სამოქალაქო საზოგადოების მცდელობას, წარმართოს პირდაპირი დემოკრატიული პროცესი ქვეყნის განვითარებისთვის სასიცოცხლოდ მნიშვნელოვანი, გარდამტეხი მიზნებით და ამოცანებით. ამიტომ, არ მინდა ეს სანთელი, რომელიც აინთო, ისევე ჩაქრეს, როგორც ეს მრავალჯერ მომხდარა. ცვლილებების დიდი იმედი, რომელიც გაჩნდა , ახლა მაინც არ უნდა გადაიზარდოს დიდ უიმედობაში”, – წერს ხუხაშვილი.
შეგახსენებთ, სამოქალაქო საზოგადოება პრემიერ-მინისტრ ირაკლი ღარიბაშვილის გადადგომას და ეროვნული თანხმობის მთავრობის შექმნას ითხოვს, რისთვისაც ხელისუფლებას 1-კვირიან ვადას აძლევს.
მსგავსი სტატიები:
“დედაჩემი იტყოდახოლმე, დანა რომ დამარტყა,სისხლი არ გამომივაო-ასე ვარ მეც”
დმანისის ორდღიან კონფლიქტში დაპირისპირებული მხარეები შერიგდნენ
გარდაცვლილ ავსტრალიელ ქალს თავი აქვს გაჩეხილი და გაძარცვულია
“დიახ, საქართველოს ომი არ დაუწყია-დაიდო საბოლოო სტრასბურგის დასკვნა!…გამყიდველებო!-აბა, დამწკრივდით ახლა ზურაბშვილით დაწყებული, ბურჯანაძით დასრულებული”–ჩარკვიანი
“რეჟიმი იძულებულ მდგომარეობაში ჩადგება, მოცემულობა და სტატუს-კვო შეცვალოს…ივანიშვილს სურს, საზოგადოებას რეაქცია არ ჰქონდეს რეჟიმის უმსგავსობაზე”-მელია
ტოლსტოი და გურიის გლეხთა მოძრაობა
“ციხეში პუტინის ხელში ვარ, სულ რომ მომაკვდავი ვიყო, უკრაინაში ყოფნა ჩემს მოვალეობად მიმაჩნია” – მიხეილ სააკაშვილი
“დონბასსა და უკრაინაში სპეცოპერაციის ყველა ამოცანა აუცილებლად შესრულდება”