ბიზნესმენ ლევან კაჭარავას მკვლელობის საქმეზე მთავარ სამმართველოში გამოკითხვები მიმდინარეობს.
“მთავარი არხის” ინფორმაციით, საქმეში გარდა კაჭარავას თანამშრომლისა, რომელიც თავდასხმის მომენტში მასთან ერთად იმყოფებოდა, კიდევ ერთი “ოქროს მოწმეა”. ის ავტობუსის მძღოლია, რომელიც წყნეთის გზაზე სროლას შეესწრო.
მძღოლი სამართალდამცველებმა უკვე გამოკითხეს. მათ ავტობუსიდან ვიდეოჩანაწერებიც ამოიღეს, თუმცა უცნობია, ჩანს თუ არა კადრებში თავდამსხმელი, რომელმაც ბიზნესმენის მიმართულებით 20-ზე მეტი გასროლა განახორციელა.
ცნობილია, რომ სამმართველოში ელოდებიან ავტობუსის მგზავრებსაც.
ბოლო პერიოდის ერთ-ერთი ყველზე გახმაურებული მკვლელობიდან სამი დღე გავიდა, თუმცა შინაგან საქმეთა სამინისტრო ამ დრომდე ოფიციალურ განმარტებას არ აკეთებს. “მთავარის” ინფორმაციით, უწყებას ქილერი იდენტიფიცირებული არ ჰყავს.
ლევან კაჭარავა 24 ივნისს, წყნეთის გზატკეცილზე საკუთარ ავტომობილში ჩაცხრილეს. არაოფიციალური ინფორმაციით, თავდამსხმელმა კარგად იცოდა ბიზნესმენის გადაადგილების მარშრუტი და მას ჩასაფრება ისეთ ადგილზე მოუწყო, სადაც არც შენობებია და არც გარე სათვალთვალო კამერები.
მსგავსი სტატიები:
“ონლაინ სწავლა არის ფსკერი!- ესენი კი ქვეყანას ხრავენ”
რას მოუტანს საქართველოს სტარასბურგის გადაწყვეტილება- ლია მუხაშავრიას განმარტება
“რა დაუშავა ჩვენმა ქვეყანამ, ჩვენმა ხალხმა ამ საქართველოს დაუძინებელ, უკვდავ მტერს”
წინასაარჩევნო პერიოდში საჩივრების მიხედვით გურიაში ლანჩხუთი „ლიდერობს“
ღარიბაშვილის ინიციატივა ონლაინ კაზინოების შეზღუდვაზე, ოპოზიციური არხების ფინანსური შევიწროვებაა-უგულავა
გიორგი თარგამაძის ედიტორიალი: ბიუჯეტის მაინერები (მთხრელები)
ტოჩინოშინის მორიგი გამარჯვება
“ოცნება” არც პროევროპულია, არც პრორუსული და სამწუხაროდ არც პროქართული, “ოცნება” არის პრობიძინური”