ნაციონალური მოძრაობის მმართველობის პერიოდში, კურორტ ბახმაროს ტერიტორიაზე დიდი ოდენობით მიწების დატაცებასთან დაკავშირებით აგორებული სკანდალის გამო, თანამდებობიდან გადამდგარი მაშინდელი ოზურგეთის საფინანსო სამსახურის უფროსი, გია ჩაგანავა თანამდებობას უბრუნდება.
ჩაგანავა ოზურგეთის მერიის საფინანსო სამსახურის უფროსის მოადგილე იქნება და ამ სამსახურში საბიუჯეტო განყოფილებას უხელმძღვანელებს.
ამის შესახებ, გურიის მოამბეს ოზურგეთის მერიიდან არაოფიციალურად აცნობეს.
ჩაგანავა, პავლე ჭყონიას ადგილს დაიკავებს, თავად პავლე ჭყონია კი, უფროსის თანამდებობაზე გია მამაკაიშვილს შეცვლის.
მამაკაიშვილმა თანამდებობა ამ დღეებში დატოვა და ის, ოზურგეთის კულტურის ცენტრის დირექტორის, კობა ბანძელაძის თანაშემწე გახდა, ფინანსურ დარგში.
თუ რამ გამოიწვია აღნიშნული ცვლილებები, ამის შესახებ,ოზურგეთის მერიაში, ოფიციალურად არ საუბრობენ.
რაც შეეხება ჩაგანავას, “ნაციონალური მოძრაობი”-ს ყოფილი მაღალჩინოსანი, დღეს “ქართული ოცნების” აქტივისტია.
გასული წლის ბოლო ადგილობრივი თვითმმართველობის არჩევნებში, ის ოზურგეთის მუნიციპალური საკრებულოს დეპუტატობის კანდიდატი იყო, მმართველი პარტიიდან ლაითური-ნარუჯას მაჟორიტარულ ოლქში, თუმცა, მხოლოდ, მეორე ტურში გადასვლა შეძლო. იქ კი, მთავარი ოპოზიციური ძალის,ნაციონალების წარმომადგენელთან, რაინდი დუმბაძესთან დამარცხდა.
მსგავსი სტატიები:
ლანჩხუთში “ლიბერთი ბანკის” ოთხ თანამშრომელს კორონავირუსი დაუდასტურდა
ლანჩხუთში კორონავირუსი 6 თვის ბავშვს დაუდასტურდა
გურიის რეგიონში დევნილებისა და ეკომიგრანტებისთვის, სასათბურე მეურნეობების მხარდაჭერის პროგრამა დაიწყო
დათა მიქელაშვილი-გაიცანით ახალგაზრდა, დამოუკიდებელი კანდიდატი, რომელიც სამი სოფლის განვითარების ხედვებს გვამცნობს
“სააკაშვილს ეჯიბრებით? ციხეში გამომწყვდეულიც რომ დღის წესრიგს გიქმნით”?
არჩევნების მეორე ტური ოზურგეთში
გომის კომისიის თავმჯდომარემ გაუგებარი მიზეზების გამო კომისია დატოვა
‘ლანჩხუთის საკრებულომ, როდესაც გადაწყვიტა ხელფასების მატება 1 მილიონი ლარის მობილიზება მოახერხა ადგილობრივ ბიუჯეტიდან”