“ქართული ოცნების” დეპუტატს ბათუმის საკრებულოში, რიჩარდ სირაბიძეს ბათუმის სახელმწიფო უნივერსიტეტის სტუდენტები ოპოზიციის, კრიტიკული მედიის წარმომადგენლებისა და სამოქალაქო აქტივისტების დისკრედიტაციაში ჰყავს ჩართული. შიდა მიმოწერა და შესაბამისი მასალა “ტვ 25”-მა მოიპოვა.
მიმოწერით ირკვევა, რომ სტუდენტები ბსუ-ს თვითმართველობის თავმჯდომარე ლიკა დიასამიძისა და რიჩარდ სირაბიძის მითითებებს ასრულებენ. დეპუტატი თვითმართველობის “ვოთსაფის” ჩატშია გაწევრიანებული. დავალებაა კრიტიკულად განწყობილ ადამიანს დასცინონ, მათ წინააღმდეგ სხვადასხვა FB გვერდებზე ატვირთული მასალა გააზიარონ, ან დამამცირებელი კომენტარები დაწერონ. დღის ბოლოს ჩატში მათ მტკიცებულება “სქრინის” სახით უნდა ატვირთონ.
“გადავაზიაროთ ეს პოსტი და დავცინოთ”, “დავაჰაჰავოთ” “გადააზიარეთ ეს აგენტი” “გაზიარების სქრინები გვინდა” – წერს ჩატში სირაბიძე.
როგორ მოხდვა ბსუ-ს ჩატში საკრებულოს დეპუტატი “ტვ 25”-მა კითხვით ლიკა დიასამიძეს მიმართა. მან მედიასთან ოპოზიციის დისკრედიტაციის კამპანიაში სტუდენტების ჩართვა უარყო.
“დამშვიდდით და მოეშვით პროვოკაციებს. არანაირად აგიტაციას არ ვუტარებთ არაფერს. არანაირ დავალებებს არ გავცემთ. მე და რიჩი მეგობრები ვართ მხოლოდ, საქმიანი ურთიერთობა არანაირად არ გვაკავშირებს. ჩემი მეგობარია, არანაირი კავშირი არ აქვს ჩატთან. რა სისულელეა, არანირი მტკიცებულება არ გექნებათ მაგ საკითხთან დაკავშირებით, არანაირ პოლიტიკურ აგიტაციას არ ვუწევ არცერთ სტუდენტს”, – უთხრა დიასამიძემ მედიას.
კამერასთან კითხვებს არ უპასუხა არც რიჩარდ სირაბიძემ.
მსგავსი სტატიები:
“აღარ გახსოვთ რა კოშმარული 9 წელი გამოვიარეთ?”
“ენგურს გადაღმა საქართველოში ვერა და ვერ გაიგეს, რომ რუსი მტერია” – წერილი გალიდან
ამ წუთებში ჯანდაცვის კომიტეტი “მამის დღის” დაწესებაზე შპს “ღონე ქვეყნისას” ინიციატივას განიხილავს
“რახან ამერიკის ელჩია…ეს იმას ხომ არ ნიშნავს, რომ მართალია აპრიორი?!”– დავითულიანი
არსებობს 3 ძალა, რაზეც ივანიშვილის მმართველობა დგას – რას აცხადებს მურმან დუმბაძე
რუსებმა ქალებისა და ბავშვების კოლონა ჩაცხრილეს, დაიღუპა 7 ადამიანი – უკრაინის თავდაცვა
“პუტინი ჭკუიდან შეიშალა” – მიხეილ სააკაშვილის ანალიზი ბრიტანულ გამოცემა Express-სთან
“სააკაშვილის საკნის გასაღები კრემლში ინახება…დროა გააკეთოთ ამ გასაღების დიპლომატიური დუბლიკატი” – აქცია-პერფორმანსი აშშ-ს საელჩოსთან