მსახიობი, კახა კინწურაშვილი სოციალურ ქსელში პოსტს ავრცელებს, სადაც წერს, რომ უკრაინის პრეზიდენტს, ვოლოდიმირ ზელენსკის ქართველი ხალხისთვის შეურაცხყოფა არ მიუყენებია.
“ზელენსკის შეურაცყოფა არ მიუყენებია ქართველი ხალხისთვის. მან მიუთითა მთავრობის მერყევ პოზიციაზე. თავის ელჩს დააბრალა ჩვენი მთავრობის უუნარობა და ამით დრო მისცა ქართულ მხარეს, რომ უფრო მკაფიოები იყვნენ თავის განცხადებებში და ქმედებებში.
შეიძლება ითქვას, რომ პირი მოწმინდა.
ამის საპასუხოდ ხელისუფლებამ განაცხადა, რომ უკრაინის მთავრობას (რომელიც ეომება ჩვენს მტერს) მართავს “ნაციონალური მოძრაობა” და პარალელურად “ნაციონალური მოძრაობა” არის რუსეთის ინტერესების გამტარებელი საქართველოში. აი ამ “სიმართლეს” ატენის ხალხს მთავრობა.
მტკივნეულია იმის ყურება, რომ შენს ახლობელს ამაზე რექცია არ აქვს, მაგრამ დიდი მონდომებით შეუძლია გალანძღოს სხვა ქვეყნის პრეზიდენტი, რომლის ქვეყანაშიც რუსეთმა ჯოჯოხეთი მოაწყო.
ალბათ ბევრს მოეძებნება “ნაცების” სიძულვილის მიზეზი, მაგრამ თუ ამ სიძულვილის მიღმა გაიხედებით აღმოაჩენთ, რომ ბევრად დიდი გამოწვევების წინაშე დგას თქვენი და თქვენი შვილების მომავალი.
გთხოვთ, დაფიქრდით. არ მოგბეზრდათ ამ სიძულვილის რწყევა ათი წლის განმავლობაში? არ მოგბეზრდათ, რომ მარტო ამ რწყევის უფლება დაგიტოვეს? წარსულის სიძულვილში დაგტოვეს და მომავალი გაგიუქმეს?
დღეს ინფორმაცია ხელმისაწვდომია ჩვენს ქვეყანაში და მიუხედავათ რუსული საინფორმაციო ომისა, ნებისმიერ ადამიანს შეუძლია გაანალიზოს რეალური მდგომარეობა. თეთრზე შავიაო არ თქვას და თავი არ ჩაიგდოს რიგითი რუსის მდგომარეობაში, რომლისთვისაც უკრაინაში ომს “სპეცოპერაცია” ქვია”, – წერს კახა კინწურაშვილი.
მსგავსი სტატიები:
„სიყვარული არის მძიმე, ქრონიკული დაავადება”
“მადლიერი იყავი ყოველი წამით და ფიქრშიც კი სიკეთე ჩამოარიგე ყველასთვის”
არმაზ ახვლედიანი: მხარს ვუჭერ დოკუმენტს, მზად ვარ ხელმოწერისთვის
ოზურგეთის თეატრის გვერდით არსებულ სკვერს არსენ კეჭაყმაძის სახელი მიენიჭა
მიხეილ სააკაშვილის შეწყალების მოლოდინი არ არსებობს – პაპუაშვილი
“მე ვარ მიხეილ სააკაშვილი და საქართველოს არ ჰყოლია დამნაშავე პრეზიდენტი”- მიხეილ სააკაშვილი
ოსკარი 2022: რეკორდები და საინტერესო ფაქტები ნომინანტების შესახებ
ოპოზიციისა და ხელისუფლების მოლაპარაკებების შედეგად ოზურგეთში ოთხშაბათი მერის დღედ გამოცხადდა