“ივანიშვილი ხელს უშლის საქართველოს, გახდეს ევროპული ქვეყანა” – კუბილიუსი

“საიდუმლო არაა, რომ საქართველოს პოლიტიკური ცხოვრება და ზოგადად, საქართველოში მიმდინარე მოვლენები დიდწილად დამოკიდებულია ერთ ადამიანზე და ეს ბიძინა ივანიშვილია” – ევროპარლამენტარმა, ანდრიუს კუბილიუსმა “ამერიკის ხმას” ინტერვიუ მისცა და საქართველოში არსებულ პოლიტიკურ ვითარებაზე ისაუბრა.

კუბილიუსი ამბობს, რომ ეს ტენდენცია ძალიან ბევრ პრობლემას უქმნის საქართველოს და ბევრ წინააღმდეგობას უქმნის.

“ვფიქრობ საიდუმლო არაა, რომ საქართველოს პოლიტიკური ცხოვრება და ზოგადად, საქართველოში მიმდინარე მოვლენები დიდწილად დამოკიდებულია ერთ ადამიანზე და ეს ბიძინა ივანიშვილია. ასეთი ტენდენცია ძალიან ბევრ პრობლემას უქმნის საქართველოს და ბევრ წინააღმდეგობას უქმნის იმისთვის, რომ წინ წავიდეს და გახდეს ნორმალური, საშუალო ევროპული ქვეყანა. ვერცერთ ევროპულ, ევროკავშირის წევრ ქვეყანაში ვერ ნახავთ ერთი, მდიდარი ადამიანის გავლენას, რომელმაც საკუთარი პოლიტიკური სტრუქტურა შექმნა. ასეთი წყობა და მოვლენების განვითარება არ არის და ვერც იქნება დემოკრატიის ისეთი ფორმა, რომელიც კოპენჰაგენის კრიტერიუმებს შეესაბამება.

სწორედ ასეთი გავლენისა და ასევე იმის გამო, რომ არსებობს ინფორმაცია, რომ ბიძინა ივანიშვილსა და ზოგიერთ რუს ოლიგარქს შორის შესაძლოა არსებობდეს ურთიერთობა, ევროპარლამენტმა და მისმა რეზოლუციამ წამოჭრა საკითხი, ხომ არ უნდა დაედოს მას სანქცია ასეთი ქმედებებისთვის.

კიდევ ერთხელ, ამაში არაფერია განსაკუთრებული. სულ ცოტა ხნის წინ, ამერიკამ სანქციები დაადო ლატვიელ ოლიგარქს და რამდენიმე პირს ევროკავშირის შიგნით. სწორედ ესაა გზა, რითიც სხვა ქვეყნები ცდილობენ დაეხმარონ სამოქალაქო საზოგადოებას და ზოგადად, ერებს, სადაც ოლიგარქების მძიმე გავლენაა.”,- ამბობს კუბილიუსი. 

გააზიარეთ და მოიწონეთ სტატია:

მსგავსი სტატიები:

“ეს ადამიანები ვინ მონათლა მოღალატეებად, ვინმე გამოვიდა და ოფიციალურად გამოაცხადა?” – გომელაური ᲜᲘᲜᲝᲬᲛᲘᲜᲓᲘᲡ ᲞᲐᲜᲡᲘᲝᲜᲐᲢᲘᲡ ᲡᲐᲥᲛᲔᲖᲔ ᲒᲐᲔᲠᲝᲛ PHR-ᲘᲡ ᲛᲝᲗᲮᲝᲕᲜᲐ ᲓᲐᲐᲙᲛᲐᲧᲝᲤᲘᲚᲐ “გულწრფელი ადამიანის მიღება რომ შეგეძლოს, შენც ამ მდგომარობაში უნდა იყო”… ექსკლუზივი-ძალადობაში ეჭვმიტანილი პედაგოგი დაკავებამდე გაიტაცეს და ცემეს თბილისობა წელსაც არ გაიმართება როგორი ამინდია მოსალოდნელი 2 დეკემბრამდე თაკო ჩარკვიანი სალომე ზურაბიშვილთან შეხვედრაზე მიხეილ სააკაშვილის საკითხს დააყენებს ოზურგეთსა და გროზნოს შორის დაძაბულობა პიკს აღწევს – რუსეთის ორი გუბერნიის ხელმძღვანელობა ერთმანეთს განადგურებით ემუქრება