როდიდან ამოქმედდება ავტომფლობელთა სავალდებულო დაზღვევა

სადაზღვევო კომპანია “არდის” გენერალური დირექტორი“ ფიქრობს, რომ ცვლილებების ამოქმედებას კიდევ 1-2 წელი მაინც დასჭირდება.

“კანონპროექტი პარლამენტში განხილვაზე რამდენჯერმე იყო. ახლაც პარლამენტშია, თუმცა განხილვა შეჩერებულია. იქიდან გამომდინარე, რომ ჩვენ ასოცირების ხელშეკრულებით ამის იმპლემეტაცია გვევალება ეს მომავალში აუცილებლად განხორციელდება. რა დროზეა საუბარი არ ვიცით, თუმცა ეს არ არის 5-10 წლიანი პერსპექტივა, ეს უახლოეს 1-2 წელიწადში ვფიქრობ აუცილებლად უნდა მოხდეს, რადგან გადავადება, არც ინდუსტრიისთვის, არც ეკონომიკისთვის, არც სოციალური ფონისთვის კარგი არ იქნება”,-აცხადებს ჯაფარიძე.

პარლამენტში წარდგენილი დოკუმენტის პირვანდელი ვერსიის მიხედვით, წლიური სადაზღვევო პრემიის მინიმალურ და მაქსიმალურ ოდენობები ავტოსატრანსპორტო საშუალებების კატეგორიების მიხედვით ასე გამოიყურება:

ა) მოტოციკლისათვის, რომლის ძრავის მუშა მოცულობა 50 სმ3-ზე მეტია – 75.00 – 110.00 ლარი;
ბ) მსუბუქი ავტომობილისათვის, რომლის ნებადართული მაქსიმალური მასა 3 500
კგ-ს, ხოლო დასასხდომი ადგილების (გარდა მძღოლის ადგილისა) რაოდენობა 8-ს არ
აღემატება – 100.00 – 150.00 ლარი;
გ) ავტობუსისათვის, რომლის დასასხდომი ადგილების (გარდა მძღოლის ადგილისა)
რაოდენობა 8-ს აღემატება – 160.00 – 240.00 ლარი;
დ) სატვირთო ავტომობილისათვის, რომლის ნებადართული მაქსიმალური მასა 3 500
კგ-ს აღემატება – 210.00 – 310.00 ლარი;
ე) მისაბმელისათვის – 50.00 – 75.00 ლარი;
ვ) სასოფლო-სამეურნეო მანქანისათვის, სპეციალიზებული თვითმავალი
მანქანისათვის – 60.00 – 90.00 ლარი.