“საგარეომ მკაფიოდ მითხრა, რომ ღარიბაშვილს უნდოდა, ელჩის პოსტი დამეტოვებინა”

საფრანგეთში საქართველოს ყოფილი ელჩი, თეა კატუკია ამბობს, რომ მის მიერ თანამდებობის დატოვება პრემიერმინისტრის, ირაკლი ღარიბაშვილის სურვილი იყო. ამის შესახებ კატუკიამ ტელეკომპანია “ფორმულას” განუცხადა.

ყოფილმა ელჩმა აღნიშნა, რომ მისი თანამდებობიდან წასვლის შესახებ საქართველოს საგარეო საქმეთა სამინისტროს განცხადება სიმართლეს არ შეესაბამება.

“საგარეო საქმეთა სამინისტროსთან ორი თვის წინ, ძალიან მოკლე სატელეფონო საუბრისას მკაფიოდ განმიმარტეს, რომ ჩემგან ელჩის ფუნქციის დატოვების მოლოდინი წარმოადგენდა მხოლოდ და მხოლოდ საქართველოს პრემიერის სურვილს”, – უთხრა მან “ფორმულას”.

ცნობისთვის, კატუკიამ თანამდებობა 1 ივლისს დატოვა, მიზეზად კი საგარეო საქმეთა სამინისტროს მხრიდან “მუდმივ რეჟიმში განხორციელებული ზეწოლა” დაასახელა.

გააზიარეთ და მოიწონეთ სტატია:
Pin Share