“უკრაინას მოუწევს გაიგოს რუსეთის პირობები და დაჯდეს მოლაპარაკების მაგიდასთან”

კრემლის პრესსპიკერის დიმიტრი პესკოვის განცხადებით, უკრაინას მოუწევს, გაიგოს რუსეთის პირობები და დაჯდეს მოლაპარაკების მაგიდასთან. ამის შესახებ ინფორმაციას რუსეთის სახელმწიფო მედია ავრცელებს.

“კიევს მოუწევს გაიგოს რუსეთის ფედერაციის პირობები, დაეთანხმოს მათ და დაჯდეს მოლაპარაკების მაგიდასთან, დააფიქსიროს დოკუმენტი“, – განაცხადა პესკოვმა.

პუტინის წარმომადგენლის თქმით, დასავლეთი დღეს ფსონს დებს უკრაინაში საომარი მოქმედებების გაგრძელებაზე და, სავარაუდოდ, “დასავლეთის ქვეყნები ვაშინგტონის ხელმძღვანელობით, არ აძლევენ უკრაინელებს უფლებას იფიქრონ, ისაუბრონ მშვიდობაზე ან განიხილონ მშვიდობა”.

ამასთან, პესკოვმა გამოხატა რწმენა, რომ „ადრე თუ გვიან, დასავლეთში საღი აზრი გაიმარჯვებს და უკრაინაზე მოლაპარაკებები განახლდება“.

გააზიარეთ და მოიწონეთ სტატია:
Pin Share