ტექინსპექტირება გაუვლელი ავტომობილის მფლობელებისთვის ჯარიმის ზრდა იგეგმება. ამის შესახებ ტექინსპექტირების ცენტრების კავშირის აღმასრულებელმა დირექტორმა გიორგი შიოლაშვილმა „საქმის კურსში“ განაცხადა.
მისი თქმით, აღნიშნულ საკითხთან დაკავშირებით კანონპროექტი უკვე ინიცირების პროცესშია.
„ავტომფლობელი მოტივირებული უნდა იყოს, რომ მივიდეს ტექინსპექტირების ცენტრში და ავტომობილი ტექინსპექტირებაზე გაატაროს, ვიდრე გაუმართავი ავტომობილით გადაადგილდებოდეს. ამისათვის აუცილებელია ჯარიმების ოდენობა გაიზარდოს. ამის თაობაზე კანონპროექტი ინიცირების პროცესშია და ვფიქრობთ, საშემოდგომო სესიაზე გავა პარლამენტში“,- განაცხადა მან.
მისივე თქმით, ფასის ზრდის ერთ-ერთი მიზეზი ტექინსპექტირების ცენტრებში დაბალი მიმართვიანობაა, რაც ასევე აღსრულების მექანიზმთან არის დაკავშირებული.
“აუცილებელია კამერები ქვეყნის მასშტაბით მაქსიმალურად იყოს ჩართული. პრობლემა ისაა, რომ მუდმივ რეჟიმში არ არის ეს კამერები ჩართული, რაც ხშირად ტექნიკური გაუმართაობითაა გამოწვეული. ტექინსპექტირების ცენტრებში დაბალია მომართვიანობა, ესეც პრობლემაა, რადგან სათანადო დონეზე აღსრულება არ ხდება. რეალურად ის მივიღეთ, რომ ქვეყანაში რეგისტრირებული ავტოტრანსპორტის ნახევარი გადის ტექინსპექტირებას”, – ამბობს გიორგი შიოლაშვილი.
მსგავსი სტატიები:
სააკაშვილი-ივანიშვილის ხედვა, როცა მოდიოდა იყო ის, რომ გაენადგურებინა საქართველო
ბოლქვაძეს სურს, რომ ჩოხატაურში ერთ-ერთ სკოლას მამამისის სახელი ეწოდოს
ინგლისში, დღეიდან, კორონავირუსის საწინააღმდეგო ვაქცინით 12-15 წლის მოზარდების ვაქცინაცია იწყება
3 თვეში საქართველოდან ექსპორტზე 3 512 ტონა მანდარინი გავიდა
“ვარდების რევოლუცია” რომ არ მომხდარიყო, არ ვიცი სად ვიქნებოდით” – დავით ზურაბიშვილი
”სააკაშვილს წარმოუდგენია, რომ ხალხი აჯანყდება და მას გამოიყვანს, ის მოწყვეტილია რეალობას”
“ეს შენი ქვეყნის დამპყრობელის და მოქმედი მტრის სიმღერაა, გამორთეთ რაა..” – ვისზე წერს დათო ლიკლიკაძე
გიორგი თარგამაძის ედიტორიალი: ახალი სამყაროს დაბადება