ეს საცირკო წარმოდგენა იქნება და ცირკის უფასო ბილეთების დარიგებას არ ვაპირებთ – ალუდა ღუდუშაური რიგგარეშე სხდომის მოწვევაზე

„რიგგარეშე სამუშაო სხდომაზე არავითარი სამუშაო პროცესი არ წარიმართება, ეს იქნება საცირკო წარმოდგენა. ჩვენ კი, მოსახლეობისთვის ცირკის უფასო ბილეთების დარიგებას არ ვაპირებთ“, – ამის შესახებ საპარლამენტო უმრავლესობის წევრმა, ალუდა ღუდუშაურმა განაცხადა.

მისი თქმით, მმართველი გუნდი აპირებს, სამუშაო ისე წარმართოს, რომ ქვეყნის მოსახლეობამ საკუთარ თავზე იგრძნოს ინკლუზიურად განვითარება.

„რიგგარეშე სხდომის აუცილებლობა და წინაპირობა არ არის. რა უნდა იყოს რიგგარეშე სხდომაზე. დღეს როცა მთავარი სასიცოცხლო ამოცანა გვაქვს რეკომენდაციების შესრულება, ამ პროცესში ჩართულობა და პროცესს უნდობლობას, ბოიკოტს უცხადებ და ამბობ, რომ მასში არ ჩაერთვები, ჩემთვის წარმოუდგენელია, რა უნდა გააკეთონ, გარდა იმისა, რომ უფასო საცირკო წარმოდგენა შესთავაზონ მოსახლეობას“, – განაცხადა ალუდა ღუდუშაურმა.

„სტრატეგია აღმაშენებელში“ ამბობენ, რომ პარლამენტში ხელმოწერებს შეაგროვებენ, რათა რიგგარეშე პლენარული სხდომა მოიწვიონ.

პარლამენტში, ევროკომისიის რეკომენდაციების 12 პუნქტის შესრულებაზე მუშაობა მიმდინარეობს. რადიკალური ოპოზიცია კი, ევროპას ისევ ბოიკოტს უცხადებს. „ნაციონალური მოძრაობა“, „ლელო“ და „სტრატეგია აღმაშენებელი“ სამუშაო ჯგუფების მუშაობაში არ ერთვებიან, თუმცა ვერც ალტერნატიულ გეგმაზე ჩამოყალიბდნენ.

გააზიარეთ და მოიწონეთ სტატია:

მსგავსი სტატიები:

კარტოგრაფების მხარდაჭერის შემდეგ, დანიაში საქართველოს ელჩი რეზერვში გადაჰყავთ “საკნების შემქნელებს რომ კარვები არ მოსწონთ, ის საქართველო მიყვარს მე” “კვლევა მიანიშნებს, რომ სწორედ ჩვენი პარტია ჩაანაცვლებს ხელისუფლებას” – კახაბერ ქემოკლიძე გახდება თუ არა არჩილ თალაკვაძე თანამედროვე იაკინთე ქილიფთარი ღარიბაშვილი პოსტს მალე დატოვებს, მის შემცველად 2 ადამიანი განიხილება აჩვენე ბიძი(ნ)ას პასპორტი!-გიორგი თარგამაძის ედიტორიალი პუტინის პროპაგანდისტი სიმონიანი ფსოუზე სასაზღვრო-გამშვები პუნქტის არსებობით უკმაყოფილოა ვოლსკი ანა ფოტიგას: ბიძინა ივანიშვილი არ არის ოლიგარქი