“აშშ_მ დღეს მსოფლიოს წინაშე ჩააბარა გამოცდა დემოკრატიაში”

ექსპერტი გოჩა მირცხულავა: თეთრი შური მჭამს და მღრნის – რაც ახლა აშშ_ში ხდება ეს არის დემოკრატია. ეს არის სახელმწიფო და ეს არის სახელმწიფო ინსტიტუტების სიდიადე დემოკრატიულ სახელმწიფოში. სახელმწიფოში სადაც ინსტიტუტებისთვის არ არსებობს შენი და ჩემი პარტია, შენი და ჩემი პრეზიდენტი, შენი და ჩემი კანონი, ჩემი და შენი მხარდამჭერი. როგორ მინდა აქ, ჩემს სამშობლოში -საქართველოში ყველა თაობის – ყოფილი, მოქმედი, მომავალი – საჯარო მოხელეები, პოლიციელები, სამხედროები, სპეცრაზმელები, პროკურორები, მოსამართლეებიც ჩემსავით თეთრი შურით აღიქვამდნენ ამ პროცესს. როგორ მინდა რომ ვიღაცას, ვიღაცეებს შერცხვეთ და ვიღაცეებმა კი საკუთარ თავს მისცენ ფიცი – სახელმწიფო უპირველეს ყოვლისა. აშშ_მ დღეს მსოფლიოს წინაშე ჩააბარა გამოცდა დემოკრატიაში, სამართლიანობასა და კანონის უზენაესობაში. ჩააბარა ყველაზე დიდი გამოცდა საკუთარი თანამოქალაქეების ნების პატივიცემის წინაშე. ღმერთმა დალოცოს ამერიკა”!

ტვ “მთავარის” გენერალური დირექტორი, ნიკა გვარამია: “ტრამპის ისტორიით სამყაროში შეიქმნა მთავარი მტკიცებულება იმისა, რომ ოლიგარქიაზე დიდი მტერი დემოკრატიას არ ყავს. და რომ ოლიგარქების გაკარება ხელისუფლების სადავეებთან, მეტიც, ზოგადად პოლიტიკასთან, არათუ არ შეიძლება, არამედ ღიად და ხისტად აკრძალული უნდა იყოს. ღიად ძალადობრივი დიქტატურაც კი, როგორც სახელმწიფოს მიტაცების თვალსაჩინო და ხისტი უკურეაქციის გამომწვევი ფორმა, და ამიტომაც ეპიზოდური/ხანმოკლე მმართველობა, უფრო ნაკლებად საშიშია, ვიდრე ოლიგარქია – დიქტატურის რბილი, შეუმჩნეველი, ხანგრძლივი და ამდენად გაცილებით საშიში და ვერაგი ფორმა”.

“ტიპმა “ღირებულებებს დაარტყა, დემოკრატიის შერყევა გადაწყვიტა, დანგრევა და ჩამოშლა და პრაქტიკულად რუსეთად გადაკეთება ამერიკის -არსებული დემოკრატიის. ……და რა მოხდა??? ყოველგვარი სროლის და ხალხის განადგურების გარეშე, მიიღო ანგარიშების დაბლოკვა ყველგან , მოექცნენ ისე ,როგორც უნდა მოექცე ფულისგან აღვირახსნილ ოლიგარქს- აი რას ნიშნავს თავისუფალი სამართლებრივი სისტემა და კანონის უზენაესობა. დიახ , ძლიერი სახელმწიფოა . მარტივად “ჩაუტარეს” და რაც მთავარია დემოკრატიული ღირებულებებით – ფაქტი ჯიუტია”.