მიუღებელია ხვიჩას სახელის შელახვის მცდელობა დამახინჯებული ფაქტებით – კობიაშვილი

მიუღებელია ხვიჩას სახელის შელახვის მცდელობა დამახინჯებული ფაქტებით, – აღნიშნულის შესახებ ფეხბურთის ფედერაციის პრეზიდენტი, ლევან კობიაშვილი სოციალურ ქსელში პოსტს აქვეყნებს.

მისივე თქმით, მიუღებელი და მდაბიო საქციელია მისი გამოყენება საკუთარი თავის პიარისა თუ სხვა მიზნებისთვის.

“ხვიჩა კვარაცხელიამ სწორი გადაწყვეტილება მიიღო, როდესაც დატოვა რუსეთი და საქართველოში განაგრძო საკლუბო კარიერა, რადგან მისი სურვილი იყო არ ეთამაშა ამ ქვეყნის ჩემპიონატში. ეს თვითონაც ცხადად თქვა გუშინდელ პრესკონფერენციაზე.

რა თქმა უნდა, ვისურვებდი, სხვა ფეხბურთელებსაც მიებაძათ ხვიჩასთვის.
არიან ადამიანები, ვინც მხოლოდ ლაპარაკით აფიქსირებენ აზრს, ან ცდილობენ საუბრით ყურადღების მიქცევას. ამის საპირისპიროდ, არიან ადამიანები, რომლებიც საკუთარი ქმედებით გამოხატავენ პოზიციას. ხვიჩა სწორედ ამ კატეგორიას განეკუთვნება. სწორედ ამიტომ თამაშობდა ის საქართველოში და სწორედ ამიტომ გააგრძელა კარიერა იტალიაში, სადაც საქართველოს სახელს წამყვანი იტალიური კლუბის სახელით წარმოაჩენს.

მიუღებელია მისი სახელის შელახვის მცდელობა დამახინჯებული ფაქტებითა და კონტექსტის არცოდნით. მიუღებელი და მდაბიო საქციელია მისი გამოყენება საკუთარი თავის პიარისა თუ სხვა მიზნებისთვის.

ხვიჩას წარმატებებს ვუსურვებ საფეხბურთო კარიერაში. მჯერა, რომ თავისი მონდომებითა და საქმისადმი სიყვარულით არაერთხელ ასახელებს საკუთარ ქვეყანას”, – წერს კობიაშვილი.

გააზიარეთ და მოიწონეთ სტატია:

მსგავსი სტატიები:

“შეგიძლიათ ჩემთან მოხვიდეთ და ცოტახნით დარჩეთ?”- ნიკოლოზის შარშანდელი წერილი სანტას ხოშტარიამ „ევროპული საქართველო“ დატოვა და ახალ პოლიტიკურ პლატფორმას ქმნის კელი: როგორ შედგება შეთანხმება, როცა ოპოზიციური პარტიის ლიდერი ციხეშია პანდემიის მიუხედავად, ზაფხულის სეზონი დაიწყო და უკვე ვხედავთ უცხოელ ტურისტებს მოგიწოდებთ, არ დაანთოთ ცეცხლი სასოფლო სამეურნეო სავარგულებზე, ტყის ან ველის სიახლოვეს – საგანგებო “ინფლაცია ალბათ უფრო მაღალი იქნება…ვიდრე ვვარაუდობდით”- გვენეტაძე ბოლო 24 საათის განმავლობაში, გურიაში კორონავირუსის- 92 ახალი შემთხვევა დაფიქსირდა-20 იანვრის კოვიდსტატისტიკა ”დღეს ან მშვიდობის მომხრე ხარ, ან სისხლიან რუს აგრესორებს უჭერ მხარს, რომ დახოცონ უკრაინელი ბავშვები და ქალები”