საქართველოში პანდემია იმართა ისე, როგორც ძალიან ბევრ წარმატებულ ქვეყანაში, ჩვენ არ დაგვიშვია საბედისწერო შეცდომა“ – ეს განცხადა BMG-ის ეთერში დაავადებათა კონტროლის ცენტრის გენერალურმა დირექტორმა ამირან გამყრელიძემ გააკეთა. თუმცა, NCDC-ის ხელმძღვანელი პრობლემად მიიჩნევს ქვეყანაში ვაქცინაციის დაბალ დონეს და არსებულ არასახარბიელო შედეგს მთლიანად საზოგადოების ბრალეულობად მიიჩნევს.
„შარშან ვაქცინაციამ 20 მლნ ადამიანის სიცოცხლე გადაარჩინა, ეს უზარმაზარი პრევენციული რიცხვია, რომ არ ყოფილიყო 1 წელიწადში შექმნილი ვაქცინა ჩვენ მსხვერპლი გვექნებოდა ბევრად მეტი. გასაგებია რომ მსხვერპლი იყო, სამწუხაროა ეს და ვუთანაგრძნობთ ყველა ოჯახს, მაგრამ ჩვენ გამჭირვალე ქვეყანა ვართ და ყველაფერს ვაქვეყნებთ. არის სიკვდილობის ორი ტიპის შეფასება, ერთი ის რაც დასტურდება და მეორე შეფასებითი მაჩვენებლები რომელსაც აკეთებენ დიდი ინსტიტუციები რომლის მიხედვითაც სიკვდილიანობა გვაქვს 1,1 მაშინ როცა მთელი რიგ ქვეყნებს აქვს 1,9, 1,5 და ა.შ.
ამიტომ, მე ყოველთვის ვამბობ, რომ ჩვენ არ დაგვიშვია საბედისწერო შეცდომა, საქართველოში კოვიდი იმართებოდა და იმართება იმ პრინციპებით, რაც საერთაშორისო ორგანიზაციების მიერ არის მიღებული. გასაგებია რომ გვჭირდება სერიოზული ანალიზი რომელსაც ვაკეთებთ, ეს არ არის სატელევიზო განხილვის საგანი, ეს არის პროფესიონალების განხილვის საგანი სადაც ყველა არგუმენტი განიხილება. საუბარი იმაზე, რომ ჩვენ რამე განსაკუთრებული მოგივიდა არა, საქართველოში პანდემია იმართა ისე, როგორც ძალიან ბევრ წარმატებულ ქვეყანაში.
კი ვაქცინაციის დაბალი მოცვა არის ჩვენი ბრალი, პირადად ჩემი, მოსახლეობის, თქვენი ბრალი, ახლა რომ გვქონდეს 45%-ის ნაცვლად 80% უფრო თამამად შევხდებოდით შემოდგომას, ნაკლებად შეგვეშინდებოდა ახალი ქვეშტამების.
ამ ზაფხულსაც ბევრი რამე იგეგმება მსოფლიო ბანკის, გაეროს განვითარების სააგენტოს, გერმანიის განვითარების სააგენტოს მიერ იმისათვის, რომ გაძლიერდეს მოცვა განსაკუთრებით ბუსტერის. ჩემი გადმოსახედიდან პირველ მეორე დოზაზე 70%-მდე ასვლა შესაძლებელია, რაც შეეხება ბუსტერს დღეს ეს მაჩვენებელი არის 9%, მაგრამ მგონია რომ 30-40%-მდე ასვლა შეგვიძლია. შარშან აგვისტო-სექტემბერში დღიური აცრის მაჩვენებელი გვქონდა 20-23 ათასი, იგივე რომ გავიმეოროთ ავალთ ამ მონაცემებამდე.“ – განაცხადა გამყრელიძემ.
მსგავსი სტატიები:
რა შემთხვევაში მიიღებს პირი 6 თვის განმავლობაში მთავრობისგან 200-ლარიან დახმარებას
ინდონეზიაში გაუჩინარდა თვითმფრინავი, რომელსაც 50-ზე მეტი მგზავრი გადაჰყავდა
როგორ აფასებს რუსული არხი Дождь-ის მთავარი რედაქტორი პოზნერის ვიზიტს
“…ხელი შევყავი და გამოვიღე მკვდარი მორიელი! ალბათ, მიკბინა და თვითონ მოიწამლა და დაიბრიდა…” – ირინა სარიშვილი
მედიამენეჯერები ღარიბაშვილს ურჩევენ, საკუთარი თავი გამოიკვლიოს
ჩვენი ხელისუფლების პერიოდში სიღარიბე ისტორიულ მინიმუმს აღწევს
“ეს ხომ ღირებულებათა ომია?! ერთ მხარეს დგას ღირსება, მეორე მხარეს – საბჭოთა ჭაობი”
როდის გამოიდარებს საქართველოში? – როგორია უახლოესი დღეების ამინიდის პროგნოზი