2026 წლამდე, საქართველოს მთავრობა ყოველწლიურად გეგმავს საჯარო სამსახურში ხელფასების ოდენობის დაახლოებით 10%-ით ზრდას. ამის შესახებ ფინანსთა მინისტრმა ლაშა ხუციშვილმა, მთავრობის სხდომის დასრულების შემდეგ განაცხადა.
მისივე თქმით, 2026 წლიდან საბაზო თანამდებობრივი სარგო უნდა განისაზღვროს ისე, რომ სახელმწიფო სექტორში საშუალო ხელფასი საჯარო სექტორში არსებული საშუალო ხელფასის 80%-ზე ნაკლები და 90%-ზე მეტი არ იყოს“.
„მთავრობის დღევანდელ სხდომაზე განისაზღვრა ის პრინციპები, თუ როგორ უნდა მოხდეს აღნიშნული საკითხის დარეგულირება გრძელვადიან პერიოდში. შესაბამისად, განისაზღვრა გარკვეული მიმართულებები, თუ რას უნდა ეფუძნებოდეს საჯარო სამსახურში შრომის ანაზღაურების ნაწილი და ეს მიმართულებები არის შემდეგი: 2026 წლის პირველი იანვრიდან, საბაზისო თანამდებობრივი სარგო იმ პროცენტული მაჩვენებლით უნდა განისაზღვროს, რა პროცენტულადაც ბოლო 4 კვარტლის განმავლობაში არასახელმწიფო სექტორში საშუალო ხელფასი გაიზრდება და ასევე, 2026 წლიდან საბაზო თანამდებობრივი სარგო უნდა განისაზღვროს ისე, რომ საშუალო ხელფასი სახელმწიფო სექტორში არასახელმწიფო სექტორში არსებული საშუალო ხელფასის 80%-ზე ნაკლები და 90%-ზე მეტი არ იყოს ანუ, განისაზღვრა ის დიაპაზონი, რა დიაპაზონშიც საჯარო სამსახურში ხელფასების საშუალო დონე კერძო სექტორთან შედარებით უნდა იყოს“.
მინისტრის განცხადებით, ახლა ეს მაჩვენებელი 74%-ს შეადგენს და სწორედ ამიტომ, მომდევნო წლებში, საჯარო სექტორში ხელფასები ყოველწლიურად 10%-ით იმისთვის გაიზრდება, რომ ეს პარამეტრები დარეგულირდეს.
„საჯარო სამსახურში ხელფასების საშუალო დონე კერძო სექტორთან შედარებით, დაახლოებით, 74%-ს შეადგენს, რაც ისტორიულად ყველაზე დაბალი მაჩვენებელია. წლების განმავლობაში ეს მაჩვენებელი გარკვეულწილად იცვლებოდა. 93-94%-იც კი იყო, თუმცა 2021 წლისთვის ეს მაჩვენებელი 74%-მდე არის შემცირებული. ეს კრიტერიუმები, რომლებიც განსაზღვრულია მთავრობის დადგენილებით, ნიშნავს იმას, რომ მომდევნო წლების განმავლობაში 2026-წლამდე, ყოველწლიურად, საჯარო სამსახურში ხელფასების ოდენობა დაახლოებით, 10%-ით გაიზრდება იმისთვის, რომ მიღწეული იქნას ის პარამეტრები, რომელზეც ჩვენ საუბარი გვქონდა“, – აცხადებს ფინანსთა მინისტრი.
რადიო თავისუფლება
მსგავსი სტატიები:
1 ტომარა ფქვილზე სახელმწიფო სუბსიდია გაიზარდა
ვიდეო: აქციის მე-18 დღე ფქვილის საწარმო “გურია ექსპრესთან”
მკაცრი რეკომენდაციაა, დავუბრუნდეთ ყველაგნ პირბადის გამოყენებას – გაბუნია
რას წერდა ვალიკო ჯუღელი დღიურში
ხელისუფლებამ რეპრესიები დაიწყო -“ოცნება” სჯის ყველას, ვინც არჩევნების მიტაცებას აპროტესტებს
“ისეთი ნაბიჯები უნდა გადადგას ხელისუფლებამ, რომ ან უნდა „გააბანძოს“, ან ფიზიკურად გაანადგუროს მიხეილ სააკაშვილი” – სარიშვილი
CNN: “ალმატის ქუჩებში დაცხრილული გვამები წვანან, მუდმივად ისმის სროლის ხმა”
რუსეთის მიერ გახსნილი ჰუმანიტარული დერეფნების საშუალებით მოსახლეობა გასვლას მხოლოდ რუსეთსა და ბელარუსში შეძლებს