“მოსახლეობის 90 % არის ევროპისკენ…ივანიშვილი, თავისი ხროვით – რუსეთისკენ” -კახა ოქრიაშვილი

პარლამენტის წევრი კახა ოქრიაშვილი აცხადებს, რომ “ქართული ოცნების“ კურსი აბსოლუტურ წინააღმდეგობაში მოდის ქართველი ხალხის კანონიერ მოთხოვნებთან.

“ივანიშვილი და მისი „ღალატის ოცნება“ მთელ მსოფლიოსთან პოლარიზებულ მდგომარეობაში იმყოფებიან, რასაც ადასტურებს ამერიკის შეერთებული შტატების სახელმწიფო დეპარტამენტის განცხადება, ევროკავშირის ელჩ ჰარცელზე, ანუ თავად ევროკავშირზე თავდასხმა, ოპოზიციაზე, უკრაინის ხელისუფლებაზე, ბალტიისპირეთის ქვეყნებზე თავდასხმები.

„ოცნება“ ნერგავს და ამწვავებს პოლარიზაციას ჩვენს ყველა სტრატეგიულ პარტნიორთან. სამაგიეროდ, პოლარიზაციის არავითარი ნიშანი არ არის გარეთ პუტინის რუსეთთან და შიგნით ელისაშვილ-მეგრელიშვილის ვითომ პარტიებად წოდებულ „ოცნების“ დანამატებთან.

ფაქტია, რომ ივანიშვილი ასრულებს ჩვენი მტრის, რუსეთის დავალებებს იმ ფონზე, როცა ჩვენი მოსახლეობის 90 %-ს სურს, ქვეყნის

30-წლიანი ბრძოლა ევროკავშირში შესასვლელად საქართველოს გამარჯვებით დასრულდეს. მოსახლეობის 90 % არის ევროპისკენ,  ივანიშვილი, თავისი ხროვით – რუსეთისკენ. ეს არის დღევანდელი მოცემულობა, რაც იმას ნიშნავს, რომ „ოცნების“ კურსი აბსოლუტურ წინააღმდეგობაში მოდის ქართველი ხალხის კანონიერ მოთხოვნებთან!

„ოცნებამ“ დაკარგა ბმა საქართველოს მოსახლეობასთან და ის  კანონგარეშე,  არალეგიტიმური ხელისუფლებაა.  ჩვენ, ყველამ ერთად, უნდა გამოვიჩინოთ სიმტკიცე და წინდახედულობა, რომ ივანიშვილის „ღალატის პარტია“ ყოველგვარი არეულობის გარეშე გავუშვათ უკანონოდ მიტაცებული ხელისუფლებიდან.

როგორ უნდა გავაკეთოთეს ?! ყველაფერი ქართველი ხალხის ხელშია და ჩვენ ამას მივაღწევთ!”

გააზიარეთ და მოიწონეთ სტატია:

მსგავსი სტატიები:

სამნიძე: მოლაპარაკებების წინ საჯარო განცხადებები სწორი არ არის რუდენკო: საქართველოს მისწრაფებები ევროკავშირისა და NATO-სკენ გაუმართლებელია ივანიშვილის ხეების გადამტანმა კომპანიამ 2011 წლიდან 98 მილიონის ტენდერი მოიგო – ფლანგვის დეტექტორი რა უთხრა ზელენსკიმ ბუბა კიკაბიძეს მიხეილ სააკაშვილზე “მე ვუთხარი ზელენსკის, რომ შენ უნდა წაიყვანო სააკაშვილი-მეთქი” – კიკაბიძე უკრაინის ომბუდსმენი მიხეილ სააკაშვილის მოსანახულებლად ნებართვას ითხოვს “ის სალომე აღარ იყო, როცა პრეზიდენტად დასვეს, რომელსაც მე ვიცნობდი..საბედნიეროდ, ბოლოს ისევ გამოცოცხლდა” ამ სარჩელით კრემლს უმტკიცებენ, რომ ისინი არაფერ შუაში არიან – ხუხაშვილი ოცნებაზე