“არ აყვეთ მათ პოლემიკაში… “ძაღლი იყეფებს, იყეფებს და გაჩერდება” – პაატა ბურჭულაძის ღია წერილი კელი დეგნანს

“არ აყვეთ მათ პოლემიკაში” – პაატა ბურჭულაძე შეერთებული შტატების ელჩს საქართველოში, კელი დეგნანს ღია წერილით მიმართავს. ამის შესახებ მან Facebook-ზე დაწერა.

თქვენო აღმატებულებავ,

დღეს წავიკითხე 3 აღშფოთებული ,,პატრიოტი” დებუტატის თქვენდამი გზავნილი ღია წერილი.

ჯერ მინდოდა მათთვის მიმეწერა იმ არარაობაზე და მავნებლობაზე, რაც იმ წერილშია მოყვანილი, მაგრამ მერე გადავიფიქრე, რადგან მივხვდი, რომ ამას აზრი არ ექნებოდა. მათ და მათმა პარტიის სამეგობრომ უკვე დიდი ხანია დაკარგა ხალხის ნდობა, პატივისცემა და რწმენა იმისა, რომ ისინი ემსახურებიან საქართველოს და მის სწრაფვას ევროპაში. პარლამენტის წინ ბოლო მიტინგები ამის უტყუარი საბუთია.

თქვენო აღმატებულებავ, მაპატიეთ, რომ მოგმართავთ ამ თხოვნით: თქვენ დიდი ქვეყნის ძლიერი დიპლომატი ბრძანდებით. უკეთ იცით თუ როგორ უნდა მოიქცეთ ასეთ შემთხვევაში, მაგრამ ჩემი, როგორც საქართველოს ერთი რიგითი მოქალაქის თხოვნა იქნება, რომ არ აყვეთ მათ პოლემიკაში. ქართველებს გვაქვს ანდაზა: ძაღლი იყეფებს, იყეფებს და გაჩერდება. მათი წერილი აღითქვით, როგორც ბიძინა ივანიშვილის მცდელობა ჩაგითრიოთ პროვოკაციაში.

მე და დარწმუნებული ვარ საქართველოს მოქალაქეების დიდი უმრავლესობა ვემიჯნებით ამ წერილში მოყვანილ ყველა სიტყვას და საპირისპიროდ, მადლობას გიხდით თქვენ და თქვენს ქვეყანას იმ დიდი დახმარებისთვის და თანადგომისთვის,რასაც ათწლეულებია ღებულობს თქვენგან დამოუკიდებელი საქართველო, – წერს ბურჭულაძე. 

გააზიარეთ და მოიწონეთ სტატია:

მსგავსი სტატიები:

“გურიას” ყოფილი მთავარი მწვრთნელი გარდაიცვალა ელისაშვილი-უხერხული არ არის “ნაცმოძრაობის” გვერდზე დგომა? 9 ოქტომბერს 20:00 საათზე ზუგდიდში ფართომასშტაბიანი აქცია გაიმართება ჩემი შვილი, პოლიტიკური პატიმარი, შიმშილობს რომ აღდგეს სამართლიანობა – გიული ალასანია ზუგდიდის აქციაზე “შეიძლება, იდეალურები არ ვართ, მაგრამ ოპტიმალურები ვართ” – კალაძე 18 თებერვლის კოვიდსტატისტიკა ვიდეო: საზოგადოებისა და “ალტ-ინფოს” მორიგი დაპირისპირება ”ივანიშვილი შეგნებულად აკნინებს ჩვენში თვითშეგნებისა და ღირსების დონეს” – გია ბუღაძე