ივანიშვილი შვეიცარიული მედიის მუშაობით უკმაყოფილოა – ოლიგარქის ადვოკატები კიდევ ერთ განცხადებას ავრცელებენ

ბიძინა ივანიშვილი შვეიცარიული მედიის მუშაობით უკმაყოფილოა – იურიდიული ფირმა „ემ-ქეი-დი“ , რომელიც ბიძინა ივანიშვილის ინტერესების დამცველია შვეიცარიულ ბანკთან დავაში, მორიგ განცხადებას ავრცელებს და ირწმუნება, რომ  “მიუხედავად მჭიდრო კომუნიკაციისა, შვეიცარიულ მედიაში დღემდე არ გამოქვეყნებულა არცერთი სტატია, არ მომზადებულა არცერთი სიუჟეტი იმ გარემოებათა ირგვლივ, რაზეც  მათ მიერ კეთდებოდა აქცენტი”.

იურიდიული ფირმა შვეიცარიული საგამოძიებო ჯგუფის, „ტამედიას” ჟურნალისტის მიერ რადიო თავისუფლებისთვის მიცემულ ინტერვიუს ეხმიანება და მედიის წარმომადგენელს სიცრუეში ადანაშაულებს.

2022 წლის 25 ივლისს გამოქვეყნდა „რადიო თავისუფლების“ ინტერვიუ ბატონ ბერნარდ ოდენალთან (იხ. ბმული):

ჟურნალისტის იმ კითხვაზე პასუხად, რომელიც შეიცავდა ციტირებებს იურიდიული ფირმის „ემ ქეი დი“ 18 ივლისის პრეს-რელიზიდან, ბატონმა ოდენალმა განაცხადა:

„არ მგონია, რომ შვეიცარიულმა მედიამ, ყოველშემთხვევაში იმ გამოცემებმა, რომლებთანაც მე ვთანამშრომლობ, მართლაც მიიღეს რაიმე პრესრელიზი ქართული მხარისგან. თანაც ეს არც დასჭირდებოდათ, რადგან ივანიშვილს და მის გუნდს ერთობ ცნობილი შვეიცარიელი ლობისტი ჰყავთ დაქირავებული – შვეიცარიის ყოფილი ელჩი გერმანიაში, თომას ბორერი. დარწმუნებული ვარ, რომ ბატონი ბორერი მიაწოდებდა მსგავს ინფორმაციას შვეიცარიულ მედიას. იმაშიც დარწმუნებული ვარ, რომ ჩვენ ასეთი ინფორმაციისათვის იგნორირება არ გაგვიკეთებია. ასე რომ, არ მესმის, რას ეყრდნობა ქართული ფირმის პრეტენზიები“.

ვადასტურებთ, რომ კლიენტი ნამდვილად სარგებლობს ბატონი ბორერის მომსახურებით, რომელმაც მართლაც დაამყარა კომუნიკაცია არაერთ შვეიცარიულ გამომცემლობასთან, ტელევიზიასთან თუ რადიოსთან.

სამწუხაროდ, ბატონი ოდენალი ცდება, როდესაც აცხადებს, რომ შვეიცარიული მედიის მიერ არ მომხდარა ჩვენ მიერ მიწოდებული ინფორმაციის იგნორირება. აღნიშნულს ადასტურებს ვრცელი მიმოწერები სხვადასხვა მედია ჯგუფის წარმომადგენლებთან. მიუხედავად მჭიდრო კომუნიკაციისა, დღემდე არ გამოქვეყნებულა არცერთი სტატია და არ მომზადებულა არცერთი სიუჟეტი იმ გარემოებათა ირგვლივ, რაზეც ჩვენგან კეთდებოდა აქცენტი.

ინტერესის არსებობის შემთხვევაში, მზად ვართ, ბატონ ოდენალს მივაწოდოთ საჭირო ინფორმაცია, რათა მან თავად შეძლოს საკითხის ობიექტურად განსჯა. მეტიც, მზად ვართ ავუხსნათ საკითხის მნიშვნელობა შვეიცარიული საბანკო სისტემისა და სახელმწიფოსთვის და ვითანამშრომლოთ მასთან, თუკი თავად გადაწყვეტს საკითხის გაშუქებას”- წერია განცხადებაში.

გააზიარეთ და მოიწონეთ სტატია:

მსგავსი სტატიები:

ენმ-ს ლიდერები კელი დეგნანსა და კარლ ჰარცელს ხვდებიან დღეს გურიაში კორონავირუსის 152 შემთხვევა დაფიქსირდა “განა შეიძლება ვაჟკაცობად ითვლებოდეს ადამიანთან ურთიერთობის გარკვევა, როდესაც მას შანსიც კი არა აქვს თავისი სიმართლე დაიცვას” ანა ფოტიგა სააკაშვილზე-ის მთელი ცხოვრება იბრძოდა თავისი ქვეყნის ტერიტორიული მთლიანობისთვის “ექსპო ჯორჯიაში” ექსპრემიერ გახარიას პარტიის პრეზენტაციაზე ძმები არველაძეები მივიდნენ “ეს არის ისტორიული დღე…პირველად ისტორიაში, კოალიციური გუნდი იმარჯვებს თბილისში და არამხოლოდ თბილისში”-ნიკა მელია “ასეთ არჩევნებს ჯობია,პირდაპირ დანიშნონ..როგორც იყო 40 წლის წინ” – კოტე შარაშენიძე რუსთაველის გამზირზე უკრაინის მხარდამჭერი აქცია მიმდინარეობს