“ქართული ოცნების” დამფუძნებელი და საქართველოს ყოფილი პრემიერმინისტრი, ბიძინა ივანიშვილი დღეს გავრცელებულ განცხადებაში შვეიცარიულ ბანკთან შექმნილ პრობლემებზეც საუბრობს და ამბობს, რომ პირად საკითხზე თავად იზრუნებს და ამ პრობლემით საზოგადოების ზედმეტად დატვირთვას არ შეეცდება.
მისივე მტკიცებით, ბანკთან არსებულ მის პრობლემებს საქართველოში მიმდინარე პროცესებთან პირდაპირი კავშირი აქვს
“რაც შეეხება ჩემს პირად პრობლემას, რომელიც შვეიცარიულ ბანკთან ურთიერთობაში წარმოიშვა და დღესაც აქტუალურია, მიმაჩნია, რომ საქართველოში მიმდინარე პროცესებთან მას პირდაპირი კავშირი აქვს. თუმცა, გამომდინარე იქიდან, რომ საქართველომ რთულ სიტუაციას, პრაქტიკულად, თავი უკვე გაართვა და ომის უშუალო საფრთხე გადაიარა, მირჩევნია, ჩემი და შვეიცარიული ბანკის ურთიერთობა ჩემ პირად პრობლემად დავტოვო და ეს პრობლემა საზოგადოებას ზედმეტად თავს არ მოვახვიო. აქ იმასაც არა აქვს მნიშვნელობა, თუ რაზე ვგეგმავდი შვეიცარიული ბანკის მიერ გაჩერებული თანხების დახარჯვას – კერძო მიზნებისთვის თუ საზოგადოებრივი საჭიროებისთვის. მირჩევნია, ბანკის მიერ შექმნილი პრობლემა საზოგადოებამ ყველა შემთხვევაში ჩემ პირად პრობლემად განიხილოს. შედარებით დეტალურ განმარტებებს ამ საქმეზე ჩემი ადვოკატი აკეთებდა და მომავალშიც გააკეთებს.
ჩემთვის მთავარია, საქართველომ შეძლოს ურთულესი ვითარებიდან საბოლოოდ სათანადოდ გამოსვლა და მშვიდობის შენარჩუნება, ჩემ პირად საკითხზე კი, მე თავად ვიზრუნებ და ამ პრობლემით საზოგადოების ზედმეტად დატვირთვას არ შევეცდები”, – წერია განცხადებაში.
მსგავსი სტატიები:
“ვინც ამ ლოქდაუნს ტაშს უკრავთ, ან ჩლუნგები ხართ, ან მავნებლები, ან უსინდისოები “
ენმ-ს ლიდერები კელი დეგნანსა და კარლ ჰარცელს ხვდებიან
Forbes-მა ივანიშვილის ქონება $3.3 მილიარდამდე შეამცირა
“რა მოლაპარაკებებს შეიძლება ველოდოთ!დადგება მათი დროც”
ელისაშვილი-უხერხული არ არის “ნაცმოძრაობის” გვერდზე დგომა?
9 ოქტომბერს 20:00 საათზე ზუგდიდში ფართომასშტაბიანი აქცია გაიმართება
ჩემი შვილი, პოლიტიკური პატიმარი, შიმშილობს რომ აღდგეს სამართლიანობა – გიული ალასანია ზუგდიდის აქციაზე
“შეიძლება, იდეალურები არ ვართ, მაგრამ ოპტიმალურები ვართ” – კალაძე