ომის უშუალო საფრთხე უკვე მაქსიმალურად არის განეიტრალებული – ბიძინა ივანიშვილი ხელისუფლების მუშაობით კმაყოფილია

„გარკვეული რისკები ჯერ კიდევ რჩება და როგორც ხელისუფლებას, ისე საზოგადოებას მაქსიმალური სიფრთხილე მართებს, რათა საქართველომ საბედისწერო ომი საბოლოოდ აიცილოს თავიდან“ – ბიძინა ივანიშვილის მიერ გავრცელებულ განცხადებაში, ის ხაზს უსვამს, რომ ყურადღებით ადევნებს თვალ-ყურს ქვეყანაში მიმდინარე პოლიტიკურ პროცესებს.

ივანიშვილის შეფასებით „ქართული ოცნების“ მთავრობამ სწორი პოლიტიკური ქმედებები განახორციელა და ქვეყანა დიდ განსაცდელს გადაარჩინა, თუმცა გარკვეული საფრთხეები სანამ უკრაინაში ომი დასრულდება კიდევ არსებობს.

„როგორც ამ ქვეყნის შვილი და მისი ერთ-ერთი გულშემატკივარი, ბუნებრივია, საქართველოში მიმდინარე მოვლენებს მთელი ყურადღებით ვადევნებ თვალყურს. რეგიონში არსებული ურთულესი პოლიტიკური ვითარების ფონზე, საქართველოს და მის მმართველ გუნდს გასული თვეების განმავლობაში ძალზე მტკივნეული პროცესების გავლა უწევდა და უწევს. საქართველოსთვის და მისი ხელისუფლებისთვის ვითარებას განსაკუთრებით ართულებს ის გარემოება, რომ გარკვეული ძალები საქართველოს ომში ჩათრევას აქტიურად ცდილობდნენ და მათი ეს სურვილი და მიზანი, სამწუხაროდ, დღესაც აქტუალურია.

უდიდესი სირთულეების მიუხედავად, მმართველმა გუნდმა სწორად იმუშავა, სწორი და პრინციპული პოზიცია დაიკავა და მთავარი სირთულე, ომის საფრთხის პირველი ეტაპი უკვე გადალახა. ამ ძალისხმევის წყალობით, საქართველოს ომში ჩათრევის უშუალო საფრთხე დღეს მაქსიმალურად არის განეიტრალებული. თუმცა, აქვე აღვნიშნავ, რომ უკრაინაში ომის დასრულებამდე, გარკვეული რისკები ჯერ კიდევ რჩება და როგორც ხელისუფლებას, ისე საზოგადოებას მაქსიმალური სიფრთხილე მართებს, რათა საქართველომ საბედისწერო ომი საბოლოოდ აიცილოს თავიდან.

ამასთან, დღეს, როდესაც ომის უშუალო საფრთხე უკვე მაქსიმალურად არის განეიტრალებული, მიმაჩნია, რომ მმართველ გუნდს აქვს შესაძლებლობა, თავისი ყურადღება მეტწილად კიდევ ერთ უმნიშვნელოვანეს პრიორიტეტზე გადაიტანოს და იზრუნოს, რომ საქართველოს ურთიერთობები სტრატეგიულ პარტნიორთან, ამერიკის შეერთებულ შტატებთან და ევროკავშირთან არ დაზიანდეს“, – წერს ივანიშვილი.

გააზიარეთ და მოიწონეთ სტატია:

მსგავსი სტატიები:

“საცოდავი ხალხია, სიბანძეა რა, ცოტა ვულგარულად რომ ვთქვა, ტეხავს”-სააკაშვილი ოლიგარქებზე საქართველო ვერ იქნება პოზნერის სასეირნო ადგილი – ელენე ხოშტარია რომელ ქალაქში ჩადიოდა ყველაზე ხშირად და რა თანხა დახარჯა სალომე ზურაბიშვილმა მივლინებებში “ვახ, ეს რა სევდიანი ამბავია” კალიუმის მონაცემი 2,8 არის საგანგაშო და მიხეილ სააკაშვილს აქვს 2,6. ეს არის ინფარქტის წინაპირობა – ხერხეულიძე “ივანიშვილს მინდა ვუთხრა…დიდხანს გისოსებში ვერ გამაჩერებს და თუ მომკლავს, ეგ დაასრულებს”-მიხეილ საკაშვილი ომის დაწყებიდან უკრაინელმა ბიზნესმენებმა მილიონობით დოლარი დაკარგეს – Forbes-ის ახალი რეიტინგი იან კელის პოზიციამ გაუადვილა ნიკა გვარამიას, 7 მილიონით გაეძარცვა “რუსთავი 2” – კობახიძე