სურსათის ეროვნული სააგენტო – კერამიკულ ჭურჭელში ტყვიის აღმოჩენის გამო, იმპორტიორს პროდუქციის ამოღება დაევალა – ვისაც შეძენილი აქვს აღნიშნული ჭურჭელი, მისი გამოყენებისგან თავი შეიკავოს

კერამიკულ ჭურჭელში ტყვიის აღმოჩენის გამო, იმპორტიორს პროდუქციის ამოღება დაევალა. სურსათის ეროვნული სააგენტოს ინფორმაციით, 25 ივლისს ჯანმრთელობისა და სურსათის უვნებლობის გენერალური დირექტორატის (DG SANTE) ევროპის კომისიის RASFF-ის სწრაფი განგაშის სისტემით, სურსათის ეროვნულმა სააგენტომ მიიღო შეტყობინება (2022.4294), რომლის მიხედვითაც პოლონეთის კომპეტენტურმა სამსახურმა ბაზარზე განხორციელებული კონტროლის დროს გამოავლინა ჩინური წარმოების -He Tai Ceramic Manufacturing CO., LTD კერამიკული თეფშებიდან (საკვებთან შეხებაში მყოფი მასალიდან), ტყვიის მიგრაციის ფაქტი (1,5+/-0,4 მგ/დმ2).

„საქართველოში აღნიშნული პროდუქციის – თეფშები -Ambition Junior, დიამეტრი-19 სმ, რაოდენობა-144, პარტიის ნომერი-281799BB, მიმღებ-იმპორტიორად დასახელებულია შპს „ტერმინალ ვესტ თრეიდინგი“ – სავაჭრო ჰიპერმარკეტი „დომინო“. სააგენტო მოუწოდებს იმ მომხმარებელს, ვისაც უკვე შეძენილი აქვს შეტყობინებაში მითითებული ჭურჭელი, მისი გამოყენებისგან თავი შეიკავოს.

სურსათის ეროვნულმა სააგენტომ აღნიშნული ფაქტის შესახებ იმპორტიორს წერილობით აცნობა და მომხმარებლის ჯანმრთელობის დაცვის მიზნით, თეფშების დასახელებული პარტიის ამოღება დაავალა“, – ნათქვამია ინფორმაციაში.

interpressnews.ge

 

გააზიარეთ და მოიწონეთ სტატია:
Pin Share