საქმეს გრიფით საიდუმლო დაადო პირმა, ვისაც გოგაშვილი და მისი ოჯახი გადაცდომებში ადანაშაულებს – ადვოკატი

სუს-ის ყოფილი მაღალჩინოსანი, სოსო გოგაშვილი რუსთავის მე-12 პენიტენციურ დაწესებულებაში ცოტა ხნის ადვოკატმა, რამაზ ჩინჩალაძემ მოინახულა.

უფლებადამცველმა აღნიშნა, რომ გოგაშვილის საქმეს გრიფი “საიდუმლო” ადევს. მისი თქმით, გრიფის დადების ინიციატორი სუს-ის მაღალჩინოსანი, ვინმე ღამბაშიძე იყო, რომელსაც დაკავებული და მისი ოჯახის წევრები ზეწოლასა და შანტაჟში ადანაშაულებდნენ.

“საქმეს გრიფით საიდუმლო დაადო პიროვნებამ, ვისაც იოსებ გოგაშვილი და მისი ოჯახის ადანაშაულებს კონკრეტულ გადაცდომებზე და დანაშაულის ჩადენაშიც კი. ეს გახლავთ ბატონი ღამბაშიძე, სწორედ მან გამოიტანა წერილობითი გადაწყვეტილება, საქმის მასალებს დადებოდა გრიბით საიდუმლო. არ არსებობდა ამ საქმისთვის გრიფით საიდუმლოს დადების სამართლებრივი საფუძველი, თუმცა ვფიქრობ, რომ ის დარღვევები რომ არ გამოტანილიყო სააშკარაოზე, რაც არსებობს იოსებ გოგაშვილის დაკავებასა და წარდგენილ ბრალდებებთან დაკავშირებით, სწორედ ამიტომ მოხდა სრულად საქმის გრიფირება”, – ამბობს რამაზ ჩინჩალაძე.

ამასთან, ადვოკატის თქმით, სოსო გოგაშვილი აცხადებს, რომ აქვს ყველა მტკიცებულება, რაც მის მიერ გაჟღერებულ ბრალდებებს ადასტურებს.

“ნებისმიერ საქმეზე, რაც გაჟღერებულია მის მიერ, დამიდასტურა მზადყოფნა, რომ სახალხო დამცველს, არასამთავრობო ორგანიზაციებს და პროკურატურას მიაწოდოს ინფორმაცია ამომწურავად და დეტალურად. ჩემთვის უცნობია კონკრეტული მტკიცებულებები, თუ რით შეიძლება ამ ფაქტების დადასტურება. მე არ ვარ საქმის კურსში, როდის რა განცხადება გამოქვეყნდება და რა მტკიცებულებებზე დაყრდნობით ხდება აღნიშნული დოკუმენტების გამოქვეყნება”, – თქვა უფლებადამცველმა.

გააზიარეთ და მოიწონეთ სტატია:

მსგავსი სტატიები:

“… მამაჩემს როგორ ესაუბრებიანო, როგორც შუასაუკუნეებში სახელოვან მეფეებსო არა” ? მთავრობის აქცენტი პრობლემების მოგვარებაზე უნდა იყოს მიმართული და არა “პოლიტიკურ კინკლაობაზე” “პანდემია გვიტევს და თუკი რაიმე პრობლემები დღეს არსებობს, ყველამ ძალები უნდა გავაერთიანოთ და გადავჭრათ” “”ქართული ოცნება” ხელისუფლებაში ტყუილა ყოფილა და ამას ღარიბაშვილი პირადად ამბობს“ – ჭიჭინაძე “მთავარი არხის” ოპერატორი კლინიკიდან გაწერეს | “ოცნების” შტაბში თავდასხმის შედეგად მან მენჯ-ბარძაყისა და ნეკნის მოტეხილობა მიიღო “ომბუდსმენმა რა ჰქმნა…” – ედუარდ მარიკაშვილი “ოცნების” სტრატეგიაზე, მიზანსა და სასურველ შედეგზე უკრაინის საელჩოში დროშის აღმართვის ცერემონიალს ვიცე-სპიკერი დაესწრება – პაპუაშვილი “ყველა სიკეთე და პროგრესი…რომელიც მიღწეულ იქნა ამ ბოლო წლებში EU-სთან…”ოცნების” დამსახურებაა” – ღარიბაშვილი