წულუკიანი: პრეზიდენტი ძალიან გვჭირდება, მაგრამ ის ჩვენ გვერდით აღარ გვყავს

კულტურის მინისტრის, თეა წულუკიანის თქმით, სალომე ზურაბიშვილმა ყველაფერი გააკეთა იმისთვის, რომ საქართველო ევროინტეგრაციის გზაზე დაზიანებული გამოსულიყო. წულუკიანმა პრეზიდენტი ტყუილების გავრცელებაშიც დაადანაშაულა.

“სამწუხაროდ, მეც ჩემი აზრი მაქვს, რომელიც შესაძლოა, რბილად რომ ვთქვა, პრეზიდენტისთვის მოსაწონი არ იყოს. რომ ვაანალიზებთ იმას, თუ რა ნაბიჯები გადადგა საქართველოს პრეზიდენტმა იმისთვის, რომ ჩვენ უფრო წელგამართული ვყოფილიყავით, თუკი ამგვარი რამ საერთოდ შესაძლებელი იყო, მან ყველაფერი გააკეთა იმისთვის, რომ ევროინტეგრაციის გზაზე ჩვენი მოკლევადიანი გეგმა, რომელსაც ველოდებოდით და რომელსაც უფრო გრძელვადიანი პერსპექტივისთვის კარი ფართოდ უნდა გაეღო, ჩვენ აქედან დაზიანებული გამოვსულიყავით. პრეზიდენტმა ამაში ძალიან დიდი როლი შეასრულა. მაგალითისთვის: ქვეყნის შიგნით ის ამბობდა, რომ რეფორმები არ ტარდება, რაც ტყუილია. ამბობდა, რომ მთავრობა არაფრის მაქნისია, რაც ტყუილია. შეურაცხყოფას აყენებდა ყველას, ვისაც კი შეეძლო. მანამდე, თორემ ახლა საერთოდ რომელ ჟანრში მსახიობობს, უკვე ვეღარ გავიგე. შემდეგ ქვეყნის იქით მიდიოდა და ამბობდა, რომ საქართველოს გზა გაუხსენითო და იქაც რომ მიდიოდა, სავარაუდოდ, იქაც კრიტიკით იყო დაკავებული”. – თქვა წულუკიანმა TV იმედის ეთერში.

თეა წულუკიანის თქმით, ქართულ ოცნებას პრეზიდენტი ძალიან სჭირდება, თუმცა, ის მათ გვერდით აღარ არის.

“ამიტომ, ქვეყნის ინტერესის დაცვა ხდება მხოლოდ და მხოლოდ ერთიანი ფრონტით იმ ადამიანების მიერ, ვინც ხელისუფლებაში არიან და პრეზიდენტი ხელისუფლებაშია, მაგრამ მან სხვა გზა აირჩია. ამიტომ, მე, ამ ქვეყანაში დაბადებულ მოქალაქეს მაქვს უფლება, ვიფიქრო, რომ ზურაბიშვილმა ამ ქვეყნის ევროპულ გზაზე სიარულის დროს, გარკვეულ მომენტში ისეთი ნაბიჯები გადადგა, რასაც, შესაძლოა, ზიანი მოეტანა. თუ ეს საერთოდ შესაძლებელი იყო, რომ მას რამე გაეკეთებინა ღირებული, იმიტომ, რომ მაგალითად, როდესაც ჩვენ საფრანგეთის პრეზიდენტისგან ვისმენთ, რომ გადაწყვეტილების გამოცხადებამდე ის ფიქრობს, რომ გეოპოლიტიკაა მთავარი და არა ის, რეფორმები გავატარეთ თუ არა, ეს საერთოდ სხვა სახის დისკუსიაა, სადაც მე ვფიქრობ, ჩვენს პრეზიდენტს წამყვანი როლი უნდა ჰქონოდა, რომ თავისივე კოლეგა დაერწმუნებინა იმაში, რომ სწორედ გეოპოლიტიკურად არის საქართველო უნიშვნელოვანესი ევროკავშირისთვის და არა პირიქით. მის საქციელს ახსნა სავარაუდოდ აქვს, რადგან ის ძალიან შორს არის იმისგან, რომ არ იცოდეს, რას აკეთებს. ის არ არის რადიკალური ოპოზიციის მსგავსი ქმედების, ვერ დავწამებ. გეგმაც აქვს ხოლმე და იცის, საითკენ მიისწრაფვის. მე მხოლოდ ერთს ვიტყვი, რომ საქართველოს პრეზიდენტი ჩვენ ძალიან გვჭირდებოდა და გვჭირდება, მაგრამ ის ჩვენ გვერდით აღარ გვყავს. ეს სამწუხარო რეალობაა, როდესაც ქვეყნის მთავარსარდალი და ეროვნული დამოუკიდებლობის გარანტი და ა.შ. მაშინ, როდესაც ქვეყანა გადის დანაღმულ ველზე, დანის პირზე თუ რაც გნებავთ, ის დაარქვით, ამ დროს მთავრობას მოურღვევს თავის მხარს თუ მხარდაჭერას, ეს არ მგონია იყოს ის, რაც შეიძლება გეგონოს, რომ უნდა იყოს” – ამბობს წულუკიანი.

გააზიარეთ და მოიწონეთ სტატია:

მსგავსი სტატიები:

Reformerfitness-ში პოლიცია საგამოძიებო მოქმედებებს საბჭოთა კავშირის ჰიმნის ფონზე ატარებს ზურაბიშვილი მელიას დაკავებაზე: არც დრო და არც ფორმა არ იყო საუკეთესო, მაგრამ მე არ ვწყვეტ “სადაც დაგჭირდებათ, იქ გავჩნდები” “რუსეთი აგრესორია – ოკუპაცია არის დროებითი და მალე დავასრულებთ” 30 ოქტომბრის არჩევნები არის შერკინება რაგბში – საქართველო VS რუსეთი – ნიკა გვარამია მორიგი ანგარიშსწორება მედიაზე – სენაკში “ოცნების” წარმომადგენლები “მთავარი არხის” გადამღებ ჯგუფს თავს დაესხნენ როდესაც საქართველოს მთავრობა მოხალისეებს არ უშვებს უკრაინაში და არ უერთდება სანქციებს, EU-ს წევრობაზე განაცხადი “მორალს მოკლებულია” – იუკნევიჩიენე კლიჩკოს მიერ აუქციონზე გატანილი ოქროს მედალი მყიდველმა კლიჩკოების ოჯახს დაუბრუნა