მიხეილ სააკაშვილმა არაერთხელ გაუსვა ხაზი, რომ ქართული პოლიტიკა არ აინტერესებს – ადვოკატი

კლინიკა “ვივა მედში” მესამე სააკაშვილის მკურნლობა გრძელდება, თუმცა პროცესი წარუმატებელია. დღეს მისი ადვოკატი, შალვა ხაჭაპურიძე  ამერიკელი ექსპერტების დოკუმენტებს ცენტრ “ემპათიას” გადასცემს.

სავარაუდოდ, მარიამ ჯიშკარიანი ნებართვების მიღებაზე შესაბამის პროცედურებს დღესვე დაიწყებს. ჯანდაცვის სამინისტროს მიერ საექსპერტო საქმიანობის ნებართვის გაცემის შემდეგ  3 ამერიკელი ექსპერტი და 1 ადვოკატი დაუყონებლივ ჩამოვა ქვეყანაში და ექპერტიზის მოსამზადებლად შესაბამის პროცედურებს დაიწყებს.

“ეს არიან ფსიქოთერაპერვტი, ნერვოლოგი და მესამე გახლავთ ნობელის პრემიის ლაურიატი. დღეს გადაეცემა მარიამ ჯიშკარიანს დოკუმენტები და ის დაიწყებს ამ პროცედურებს, რაშიც ჩვენც ხელს შევუწყობთ, რომ დროზე იქნეს აღებული შესაბამისი ნებართვები. ნებართვის აღების შემდგომ, ამერიკელები უკვე დაუყოვნებლივ ჩამოფრინდებიან, 2-3 დღე იმუშავებენ და დასკვნის წერას გააგრძელებენ ამერიკაში. მისი სიცოცხლე საფრთხეშია, საჭიროა გაკეთდეს ყველაფერი, რომ გადარჩეს.რაც შეეხება პოლიტიკურ თემატიკას, უყურებს უკრაინულ არხებს, ბუნებრივია გაჩნდა კითხვა, რატომ –  მან არაერთხელ გაუსვა ხაზი, რომ დიახ, მე ქართული პოლიტიკა არ მაინტერესებს”, – თქვა შალვა ხაჭაპურიძემ.

ცნობისთვის, მიხეილ სააკაშვილი თვეებია კლინიკაშია გადაყვანილი, თუმცა მისი ჯანმრთელობის მდგომარეობის გაუმჯობესება ვერ ხერხდება.