“ყოველ წელს, 2026 წლამდე, მინიმუმ 10%-ით გაიზრდება საჯარო მოხელეების ხელფასები და ჯამში გამოვა დაახლოებით 50%-იანი მატება” – ამის შესახებ პრემიერმინისტრი ირაკლი ღარიბაშვილი მთავრობის სხდომის დაწყებამდე საუბრობს.
სავარაუდოდ სექტემბრის თვეში მივმართავთ პარლამენტს და მოვახდენთ ბიუჯეტის კორექტირებას. ბიუჯეტი გაიზრდება. დამატებითი შემოსავალი გაუჩნდა სახელმწიფოს ასეთი მაღალი ეკონომიკური ზრდის გამო. და, რა თქმა უნდა უფრო, მეტი თანხა გვექნება გადასანაწილებელი თვეების მიხედვით და უფრო მეტი პროექტი დაფინანსდება.
ეს ასევე გვაძლევს საშუალებას, რომ, კიდევ ერთხელ მინდა შევახსენო საზოაგდოებას, რომ ჩვენი, საჯარო სექტორში დასაქმებულთათვის შრომითი ანაზღაურება იზრდება. მინდა ასევე შევახსენო საზოგადოებას, რომ წლების განმავლობაში, დაახლოებით 2017-დან 2020 წლამდე პრაქტიკულად არცერთ წელს არ გაზრდილა ხელფასები საჯარო სექტორში, რაც, ვფიქრობ, დიდი შეცდომა იყო.
ჩამორჩენა იმდენად დიდია, ჩვენ თუ შევადარებთ ხელფასებს კერძო სექტორში და საჯარო სექტორში არსებულ შრომით ანაზღაურებას, ჩამორჩენა არის საგრძნობი და ამას სჭირდება მოწესრიგება. ამიტომ ჩემი დავალებით წელს იანვარში უკვე დავიწყეთ ამის მოწესრიგება, იანვარში გაიზარდა 10%-ით, ყველა საჯარო მოხელესთვის.
ახლა უკვე ფინანსთა მინისტრმა წარმოადგინა ჩვენი ხედვა, განისაზღვრა კრიტერიუმები და დადგენილებით უკვე მოწესრიგდება აღნიშნული საკითხი, რაც გულისხმობს შემდეგს, რომ ყოველ წელს, 2026 წლამდე მინიმუმ 10%-ით გაიზრდება საჯარო მოხელეების ხელფასები და ჯამში გამოვა დაახლოებით 50%-იანი მატება, – ამბობს ღარიბაშვილი.
ცნობისთვის, ამ საკითხზე მანამდე ფინანსთა მინისტრმა ლაშა ხუციშვილმაც ისაუბრა. თქვა, რომ “2026 წლამდე, ყოველწლიურად, საჯარო სამსახურში ხელფასების დაახლოებით 10%-ით გაიზრდება”.
მსგავსი სტატიები:
უახლოეს მომავალში ველოდებით ჯანდაცვის სისტემისთვის განკუთვნილი დახმარების კიდევ ერთ დიდ პარტიას – კარლ ჰარცელი
“გახარია შვებულებიდან გამოიყვანეს, რომ შექმნას “ქართული ოცნება 2”
შევქმნათ საგამოძიებო კომისია ელექტროენერგიის გაძვირებასთან დაკავშირებით – მიხეილ სააკაშვილი
“მესმის, რომ მორიგი რუსი პუტინი არ არის, მაგრამ მე მათ არ ვენდობი…” – რა მიმართვას ავრცელებს ნინო სუხიშვილი
ივანიშვილი Credit Suisse-ის რწმუნებულს ტრანზაქციების შეფერხებას ედავება და სასამართლოში უჩივის
მიხეილ სააკაშვილის მხარდამჭერები და საინიციატივო ჯგუფის წევრები, სალომე ზურაბიშვილთან შეხვედრას მოითხოვენ
ცალკეული ევროპარლამენტარის განცხადებებს ევროპულ ღირებულებასთან საერთო არ აქვს – კალაძე
პრაისი: ხელისუფლების ნაწილს სურს, ქართველი ხალხი ევროატლანტიკურ მისწრაფებებს ჩამოაშოროს