რუსეთის პატრიარის სამძიმარი საქართველოს პატრიარქს და შეკვეცილი ტიტულატურა – პატრიარქი კირილი ილია მეორეს ოფიციალურ სამძიმრის წერილს უგზავნის, სადაც მას ბიჭვინთისა და ცხუმ-აფხაზეთის მიტროპოლიტად არ მოიხსენიებს.
კირილი წერილში სინოდის მღვდელმთავრის, სამთავისისა და კასპის ეპისკოპოს დამიანეს გარდაცვალების გამო მწუხარებას გამოთქვამს.
“მის უწმინდესობასა და უნეტარესობას, უწმინდეს და უნეტარეს ილია მეორეს, მთავარეპისკოპოსს მცხეთა-თბილისისა, კათოლიკოს-პატრიარქს სრულიად საქართველოსი”, – ასე მიმართავს ილია მეორეს რუსეთის პატრიარქი.
თეოლოგი ლაშა დეისაძე-შარვაშიძე საქართველოს საპატრიარქოსგან ითხოვს, ოფიციალურად გააპროტესტონ ეს “შეურაცხმყოფელი წერილი და მასში წარმოდგენილი საქართველოს ეკლესიის მეთაურის ტიტულატურის დემონსტრაციულად დამამცირებელი მოხსენიება”. წინააღმდეგ შემთხვევაში, ის წერს, რომ საპატრიარქოს აზოგადოების მხრიდან პრორუსულობასთან დაკავშირებით მხილების კიდევ ერთხელ ატანა სამართლიანად მოუწევს.
ცნობისთვის, პატრიარქი კირილი პუტინის პოლიტიკის აქტიური მხარდამჭერია, მათ შორის მან არაერთი განცხადებით გაამართლა ომი უკრინაში. ის ამტკიცებს, რომ რუსეთი თავს არასდროს არავის დასხმია და აგრესიული ომები არ უწარმოებია. კირილი არაერთი ქვეყნის სანქცირებულ პირთა სიაში მოხვდა
მსგავსი სტატიები:
გათავისუფლდებიან თუ არა პირბადის ტარებისგან ისინი, ვინც ვაქცინა უკვე გაიკეთა
კატები საკუთარ სახელებს ცნობენ, თუმცა არ იმჩნევენ — კვლევა
ნახეთ ქვეყნები, სადაც პირბადის ტარება სავალდებულო აღარ არის
მამა ნიკოდიმოსი: ეს არის ღვთის საჩუქარი, მადლობა მას
“”ოცნების” შემომწირველები ბიზნესმენები კი არა ხელისუფლების ნაწილია-მის შეკვეთებზე მიბმული”
ღარიბებიც არიან და არც არაფერს არ იკლებენ-რას წერდა კონსტანტინე გვარამაძე გურულებზე
საერთაშორისო ბირჟებზე ნავთობის ფასი შემცირებას განაგრძობს
გუდაურის ტრაგედიაზე შსს ახალ განცხადებას ავრცელებს