“იმისთვის, რომ საკონსტიტუციო უმრავლესობა ჰქონდეთ, „ნაციონალური მოძრაობა“ აუცილებელია“-იაგო ხვიჩია

ისეთ ადგილზე შესვლა არ მინდა, რომელიც პარლამენტი არ არის და პარლამენტად მასაღებენ, თორემ განა პარლამენტში შესვლა არ გვინდა, – ამის შესახებ „გირჩის“ წევრმა იაგო ხვიჩიამ „პალიტრანიუსის“ ეთერში, გადაცემაში „360 გრადუსი“ განაცხადა.

იაგო ხვიჩიას თქმით, ოპოზიციამ და ხელისუფლებამ შეთანხმების გზით უნდა იაროს, რაც „ამ ქვეყანაში პარლამენტს გააჩენს“.

„ჩვენ არასდროს არ დაგვიმალავს პარლამენტში შესვლის სურვილი. ჩვენ ვამბობდით, რომ „გირჩი“ პარლამენტში“ იყო ჩვენი სლოგანი წინასაარჩევნოდ. ისეთ ადგილზე შესვლა არ მინდა, რომელიც პარლამენტი არ არის და პარლამენტად მასაღებენ, თორემ განა პარლამენტში შესვლა არ გვინდა.

აქედან გამომდინარე, მოვუწოდებთ ხელისუფლებასაც და ოპოზიციასაც რომ შეთანხმებისკენ ვიაროთ. ეს რაღაც, რაც ახლა გვაქვს, პარლამენტი გახდეს. ვიყოთ ქვეყანა, რომელსაც პარლამენტი გააჩნია. ამაზეა საუბარი, ამ იდეის გულშემატკივარი ვარ. უნდა ვიაროთ შეთანხმების გზით, ვიპოვოთ ისეთი კონსენსუსი, რომელიც ამ ქვეყანაში პარლამენტს გააჩენს. ამას მხოლოდ ოპოზიციის და ხელისუფლების შეთანხმება გააჩენს. სამწუხაროდ, არჩევნების შედეგებმა ეს ვერ გააჩინა“,- აცხადებს იაგო ხვიჩია.

ამასთან, იაგო ხვიჩიას თქმით, „გირჩს“ გაცხადებული აქვს, რომ ისინი პარლამენტში „ნაციონალურ მოძრაობასთან“ ერთად შევლენ, მაშინ როდესაც შესაძლებელი იქნება მათთვის საინტერესო საკითხების გადაჭრა.

ამასთან, იაგო ხვიჩია მიიჩნევს, რომ ოპოზიციამ ბოიკოტი უნდა გააგრძელოს და თუ მათი ძირითადი მოთხოვნა არ დაკმაყოფილდება, პარლამენტში შესვლის მომხრე არ იქნება.

„მე მაქვს ჩემი ინტერესები. ვფიქრობ, მე გავჯიუტდები, თუ ეს არ დაიდო. ჩემი ინტერესი, რომელიც აქ არის, პროპორციული არჩევნები და ბუნებრივია მასთან მიახლოებული ბარიერია. მე მოვუწოდე ოპოზიციას, რომ უნდა გავაგრძელოთ ბოიკოტი, არც უნდა ვიფიქროთ შესვლაზე თუ აქამდე მოვედით. პოლიტპატიმრებზე და საარჩევნო სისტემის ცვლილებაზე საუბარი არ არის, ყველა თანხმდება ამაზე, საუბარია პროპორციულ და ვადამდელ არჩევნებზე. თანახმა ვარ ვადამდელ არჩევნებზეც, იმ შემთხვევაში თუ ეს მესამე მოთხოვნა დაკმაყოფილდება. თუ არ დაკმაყოფილდება არ ვარ პარლამენტში შესვლის მომხრე.

ჩვენ შეთანხმების საგნად შეიძლება ვაქციოთ ერთხელ და სამუდამოდ სამართლიანი თამაშის წესების მიღება, რომლის შანსი სხვა დროს არ გვექნება, ¾-იან უმრავლესობას საქართველოს პარლამენტში როდის მიიღებს რომელიმე პარტია, ასე მარტივი არ არის. ახლა გვაქვს შანსი შევთანხმდეთ“,-აცხადებს ხვიჩია.

კითხვაზე, თუ სხვა ოპოზიციური პარტიები არ მიიღებენ „სამართლიანი თამაშის წესებს“, როგორც შეთანხმების მთავარ საგანს, მზად არის თუ არა „გირჩის“ სამეული დამოუკიდებელი გადაწყვეტილება მიიღოს და გააფორმოს შეთანხმება პროპორციულ სისტემასა და ნულოვან ბარიერზე ხელისუფლებასთან, იაგო ხვიჩია დასძენს, რომ მას უფლებამოსილი პირი სჭირდება.

„უფლებამოსილი პირი მჭირდება. მე რომ გავაფორმო მარტო „ქართულ ოცნებასთან“ ეს ვერ შედგება და იქნება „თავის მოტყუება“. „პატრიოტთა ალიანსი“ და ალეკო ელისაშვილი საკმარისი არ არის, საჭიროა „ნაციონალური მოძრაობა“, მე კი არ მიხარია, რომ „ნაციონალური მოძრაობაა“ საჭირო ამ საქმისთვის “,-აცხადებს ხვიჩია.

იაგო ხვიჩიას თქმით, იმისთვის, რომ საკონსტიტუციო უმრავლესობა ჰქონდეთ, „ნაციონალური მოძრაობა“ აუცილებელია, მხოლოდ „ქართული ოცნება“ კი არასაკმარისია.

„არ გვყოფნის მხოლოდ „ქართული ოცნება“, არ ვართ საკმარისი იმისთვის, რომ საკონსტიტუციო უმრავლესობა გვქონდეს და შეცვალოთ კონსტიტუცია.

„ნაციონალური მოძრაობის“ გარეშე არ ხდება. ჩვენ გვჭირდება 113 ადამიანი პარლამენტში. შესაბამისად „ნაციონალური მოძრაობა“ როგორც ყველაზე დიდი პარტია არის ის პარტია, რომლის მონაწილეობა არის აუცილებელი ამ ცვლილების მისაღებად. ჩვენი ინტერესიც არის მინიმუმ 113“, – აცხადებს ხვიჩია

გააზიარეთ და მოიწონეთ სტატია:

მსგავსი სტატიები

  • 98
    "ხელისუფლებას და მის მხარდამჭერ ოპოზიციას ამომრჩევლის მხოლოდ 30% ენდობა" "ხელისუფლებას და მის მხარდამჭერ ოპოზიციას ამომრჩევლის მხოლოდ 30% ენდობა",- წერს  სოციალურ ქსელში ექსპერტი და თეოლოგი გოჩა მირცხულავა. --- ის, რაც დღეს საქართველოს საკანონმდებლო ორგანოში ხდება დემოკრატიის თამაშია და ჯანსაღ პოლიტიკურ პროცესთან არანაირი შეხება არ გააჩნია. დემოკრატიის პრინციპის იგნორირებაზე ქვემოთ მოგახსენებთ და ახლა პირდაპირ ფაქტებზე - ანუ რიცხვებზე გადავალ. აქვე აღვნიშნავ…
    Tags: და, არ, რომ, პარლამენტში, არის, მთავარი, თემა, ახალი, ამბები, პოლიტიკა
  • 97
    "კეთილი ინებეთ და ნაგავიც აიტანეთ და იცით რატომ უნდა აიტანოთ"?ექსპერტი და თეოლოგი, გოჩა მირცხულავა გუშინ ბათუმში მომხდარ ფაქტს ეხმაურება, სადაც ოპოზიციის მიერ გამართულ აქციაზე ირაკლი ჩავლეშვილს თავზე ნაგვის ურნა ჩამოაცვეს და ვრცელ განმარტებას აკეთებს: "ნაგავი პოლიტიკაში ახალი სიტყვა არ არის. უკრაინაში"ბუკერებში" - ურნებში ტენიდნენ კორუპირებულ პოლიტიკოსებს. რა თქმა უნდა, ეს ესთეტიურად ძალიან ცუდად გამოიყურება. მით უფრო - ქართული ხასიათიდან…
    Tags: და, რომ, არ, თუ, მთავარი, თემა, ახალი, ამბები, პოლიტიკა
  • 97
    "ვისაც უნდა დავენიძლავები, მოვა დრო, როცა მხოლოდ „ქართული ოცნების“ ხელისუფლების პასუხისმგებლობაზე დაიწყებენ ლაპარაკს"ბატონ კენტსაც შევახსენებ მარტივ რამეს, ერთ-ერთმა რიგითმა ჩინოვნიკმა კი არა, სახელმწიფო მდივანმა - პომპეომ გაგვიკეთა განცხადება ანაკლიასთან დაკავშირებით და სად არის ანაკლია? - ოპოზიციის პარლამენტში ყოფნამ არ უშველა, რომ ქვეყნისთვის საჭირო პროექტები მისულიყო ბოლომდე,- ამის შესახებ „ევროპული საქართველოს“ წევრმა აკაკი ბობოხიძემ “პალიტრანიუსის” გადაცემა "360 გრადუსში" განაცხადა. ბობოხიძის თქმით, საქართველოს პარლამენტი არ არის აშშ-ის…
    Tags: და, არ, პარლამენტში, რომ, არის, მთავარი, თემა, ახალი, ამბები, პოლიტიკა
  • 96
    "სულ რომ შუშის კოლბაში ჩაჯდეს, მაინც უამრავი "საცეცი" რჩება""ნაციონალური მოძრაობის" ერთ-ერთი ლიდერის - თინათინ ბოკუჩავა თქმით, ბიძინა ივანიშვილის წასვლის მიზეზიცა და მიზანიც პასუხისმგებლობისგან თავის არიდებაა, თუმცა ის ქართულ პოლიტიკურ ცხოვრებაში მაინც უამრავ "საცეცს" ტოვებს. ყველაზე მძლავრ მოთამაშედ კი ბოკუჩავა კვლავაც "ნაციონალურ მოძრაობას" მიიჩნევს: - ივანიშვილის წასვლის მიზეზიცა და მიზანიც პასუხისმგებლობის თავიდან არიდების მცდელობაა. სხვა არა ერთი მიზეზიც არსებობს,…
    Tags: და, რომ, არ, არის, მთავარი, თემა, ახალი, ამბები, პოლიტიკა