„სამარცხვინო“ – ვალერი გელბახიანი ყაველაშვილზე

საქართველოს ყოფილი პრეზიდენტის უფლებადამცველის, ვალერი გელბახიანის განცხადებით, მთელი ამ დროის განმავლობაში „ქართული ოცნება“ ამომრჩეველს მიხეილ სააკაშვილით აშინებდა და ახლა, მისი პოლიტიკიდან გასვლა აშინებთ.

აღნიშნული განცხადებით სააკაშვილის ადვოკატი „ქართული ოცნების“ დეპუტატის, მიხეილ სარჯველაძის მოსაზრებას გამოეხმაურა, რომელმაც თქვა, რომ დღეს სააკაშვილის რეპუტაცია და გავლენა იმ მასშტაბის აღარ არის, რომ მისმა პოლიტიკიდან წასვლამ დიდი ძვრები გამოიწვიოს.

მიხეილ სარჯველაძე სააკაშვილის პოლიტიკიდან წასვლაზე: ვხედავ მცდელობებს, რომ ისევ და ისევ სასჯელს გვერდი აუარონ

„როგორც ჩანს სარჯველაძეა უფრო დიდი პოლიტიკური ფიგურა, სარჯველაძე ალბათ მოვლენაა, ფიგურა კი არ არის. მე ვფიქრობ, რომ ის როგორც საკონცენტრაციო ბანაკის დირექტორი ისე გველაპარაკება. ეს არის სამარცხვინო. ადამიანს, რომელსაც მართლა აქვს ინტელექტუალური ლექსიკა, ეს ადამიანი გვევლინება, როგორც დამსჯელი პერსონა, შურისმაძიებელი.
ამ 10 წლის განმავლობაში სააკაშვილი იყო საფრთხობელა და თავიანთ ელექტორატს მობილიზაციას სააკაშვილის ფაქტორით უკეთებდნენ. აშინებდნენ ხალხს, რომ აი მოვა სააკაშვილი, თუ ჩვენ მხარს არ დაგვიჭერ და ეს საფრთხობელა როდესაც გადის თამაშიდან, აი ეგ აშინებთ ახლა, მერე რა ქნან არ იციან“. – განაცხადა ვალერი გელბახიანმა.

შეგახსენებთ, რომ რამდენიმე დღის წინ, საქართველოს მესამე პრეზიდენტისა და ამჟამად პატიმრობაში მყოფი მიხეილ სააკაშვილის უფლებადამცველებმა – შალვა ხაჭაპურიძემ და ვალერი გელბახიანმა განაცხადეს, რომ ექსპრეზიდენტი პოლიტიკიდან წასვლას გეგმავს და შესაბამისად, „ერთიან ნაციონალურ მოძრაობასაც“ ტოვებს.

თავად სააკაშვილის პოზიცია აღნიშნულთან დაკავშირებით ჯერჯერობით, უცნობია. „ნაციონალურ მოძრაობაში“ ამბობენ, რომ აღნიშნულ საკითხზე განცხადებას უახლოეს მომავალში ყოფილი პრეზიდენტი თავად გააკეთებს.

გააზიარეთ და მოიწონეთ სტატია:

მსგავსი სტატიები:

მხდალები არიან და ამიტომ ვერასოდეს დაბრუნდებიან ხელისუფლებაში- კობახიძე ოპოზიციაზე ანრი ოხანაშვილი: „ამნისტია გავრცელდება ყველა პირზე“ აღდგომის ღამეს გადაადგილება რამდენიმე საათით შესაძლებელი იქნება “ამოცანა გვეკითხება:ვინ აფინანსებს საქართველოში პრორუსულ ძალადობრივ ბანდფორმირებებს, რუსეთის გარდა?”-ნიკა გვარამია “ვითხოვ, აჩვენონ ლევან აბლოთიას მიწაზე დანარცხების კადრი” – ბექა ყორშია გლდანის ციხეში 40 დღე პატიმარი შიმშილობდა, ის გარდაიცვალა გიორგი თარგამაძის ედიტორიალი: მრავალპროფილური პოლიტიკა ”ჩვენი ხელისუფლება მჩაგვრელი რუსეთის ხსენებასაც ვერ ბედავს”