“მონობა სწორედ ისაა, როცა საკუთარ პარტნიორს კითხვასაც ვერ უსვამ – აბა მითხარით, თქვენს იმედზე ხალხი როგორ უნდა იყოს და რომელ ბრძოლაში უნდა გამოგყვნენ?”-ხუნდაძე ოპოზიციას

ოპონენტებს ვეტყოდი – მონობა სწორედ ისაა, როცა საკუთარ პარტნიორს კითხვასაც ვერ უსვამ, როცა ის შენს ქვეყანასა და საზოგადოებას ასე სჭირდება, – ასე ეხმაურება პარლამენტის დამოუკიდებელი დეპუტატი დიმიტრი ხუნდაძე საპარლამენტო ოპოზიციის განცხადებას.

ხუნდაძის თქმით, როცა საჭიროა, კითხვების დასმაც უნდა გავბედოთ და პოზიციის დაფიქსირებაც.

„როდესაც ქვეყნისა და საზოგადოების ინტერესებიდან გამომდინარე, ლეგიტიმური კითხვები ისმება და პასუხები არ ჩანს, ესე იგი, რაღაც ხდება. როცა საჭიროა, კითხვების დასმაც უნდა გავბედოთ და პოზიციის დაფიქსირებაც. ამას არავის კარნახი არ სჭირდება. კითხვების თავდასხმად მონათვლაც, მისგან თავის არიდების იარაღია. კითხვა მაშინ შეიცავს საფრთხეს, როდესაც მასზე პასუხი დასამალი ხდება.

ის რომ „დიდს ” “პატარამ” ვერ უნდა ჰკადროს, ანუ „უფროს ძმაზე” დამოკიდებულების შედეგი, ხომ უკვე ვიცით. ვიცით ომისა და მშვიდობის ფასიც. ვიცით პარტნიორული ურთიერთობის წესებიც და ისიც ვიცით, რომ ჩვენი ქვეყნისა და საზოგადოების უსაფრთხოება უპირატესია ნებისმიერ საკითხთან მიმართებაში.

ეს არ არის ის ქვეყანა, რომელიც ღირსების სანაცვლოდ ყველაფერს მიიღებს. სწორედ დასავლური სტანდარტია საჯარო პოლიტიკა, სადაც ხალხს შეუცვლელი როლი ეკუთვნის. ხალხის ძალა კი ყველასათვის ანგარიშგასაწევი უნდა გახდეს.

დესტრუქციული ოპოზიციისთვის ხალხის ძალა კარგად ნაცნობია და სწორედ ამიტომ ააფორიაქა ისინი ჩვენმა გადაწყვეტილებამ, დავაფუძნოთ საზოგადოებრივი მოძრაობა – “ხალხის ძალა”. სწორედ ეს ძალა იქნება მშვიდობისა და პოლიტიკური სტაბილურობის გარანტი საქართველოში. ჩვენ კი ყველაფერს გავაკეთებთ, რომ ხალხის როლი გაძლიერდეს. ოპონენტებს კი ვეტყოდი – მონობა სწორედ ისაა, როცა საკუთარ პარტნიორს კითხვასაც ვერ უსვამ, როცა ის შენს ქვეყანასა და საზოგადოებას ასე სჭირდება.

აბა მითხარით, თქვენს იმედზე ხალხი როგორ უნდა იყოს და რომელ ბრძოლაში უნდა გამოგყვნენ?“ – აცხადებს ხუნდაძე.

გააზიარეთ და მოიწონეთ სტატია:

მსგავსი სტატიები:

არ გამოუვა ხელისუფლებას ხელი შეაწმინდოს ბესო ქათამაძეს-დავით მჟავანაძე “თუ „ჩმორების“ მდგომარეობაში ვიქნებით”…. სახალხო დამცველი რიონის ხეობაში ჰესის მშენებლობის მოწინააღმდეგეებს ხვდება 2021 წლის ადგილობრივი არჩევნები 2 ოქტომბერს გაიმართება “ნუ მამშვიდებთ! – დამანებეთ თავი – არ მინდა არაფერი – ერთი სპექტაკლი დამადგმევინეთ, წაბილწულებო” – რობერტ სტურუა ”მთელი პასუხისმგებლობა ეკისრება ბიძინა ივანიშვილს, რომელიც ფიქრობს, რომ სააკაშვილის სიკვდილსაც გადაყლაპავს ეს ქვეყანა” “მივმართავ თეთრხალათიან გმირებს…გამოდით რუსთაველზე…აღარ შეხვიდეთ მანამ, ვიდრე ორი ადამიანის სიცოცხლეს არ გადაარჩენთ”-ნანუკა ჟორჟოლიანი “რუსეთის არმია და პრესტიჟი ამოწურულია, მათი ჯარი დრამატულად დამარცხდა​​​​​​​” – სალივანი