“მექსიკის კედლის” მშენებლობა შეჩერდება – ტრამპის რა შეზღუდვებს მოხსნის ბაიდენი ემიგრანტებისთვის?

ამერიკის შეერთებულ შტატებში ახლადარჩეული პრეზიდენტის ჯო ბაიდენის პრეზიდენტობის პირველი 100 დღის განმავლობაში ქვეყანაში დიდი ცვლილებები დაიწყება. ამის შესახებ საქართვლოს ყოფილი პრეზიდენტის მიხეილ სააკაშილის მთავრობის საპარლამენტო მდივანი, გია ხუროშვილი სოციალურ ქსელში წერს და ემიგრანტებს საემიგრაციო ცვლილებებისთვის ამზადებს.
როგორც ხუროშვილი წერს, ბაიდენი ტრამპის მიერ დაწესებულ 400-მდე შეზღუდვას ეწინააღმდეგებოდა და მოსალოდნელია, რომ მან ყველა მათგანი გააუქმოს.
“მოსალოდნელი საემიგრაციო ცვლილებები ბაიდენის ინაგურაციის შემდგომ, ნაწილი I.
ჯო ბაიდენი-იყო პრეზიდენტობის კანდიდატი, რომელიც კატეგორიულად ეწინააღმდეგებოდა ტრამპის ადმინისტრაციის მიერ განხორციელებულ 400-მდე ცვლილებას საემიგრაციო საკითხებში.
შესაბამისად ბევრი ადამიანი ელოდება თუ რა ვადებში და რა რეფორმას ჩაატარებს ამერიკის ახლადარჩეული პრეზიდენტი ინაგურაციის შემდგომ?
გადაჭარბებულია იმის მოლოდინი, რომ უსაბუთო ემიგრანტებს სახლში მიუტანენ “მწვანე ბარათებს”.
რეფორმა ორ ნაწილად უნდა გაიყოს. რა შეუძლია გააკეთოს ბაიდენმა პრეზიდენტობის პირველი 100 დღის განმავლობაში და რა რეფორმებზე უნდა გააგრძელოს მუშაობა კონგრესთან და სენატთან?
ამ სტატუსის ფარგლებში, მოკლედ გაგაცნობთ იმ თემებს, რასაც ექსპერტების ვარაუდით შეეხება ცვლილებები პირველი 100 დღის განმავლობაში. (ზოგიერთ მათგანზე არსებობს სასამართლო დავებიც, (ტრამპის სარჩელები) რაც შეწყდება)
1. გაუქმდება ფორმა I-944, ე.წ. “public charge rule”, რომლის თანახმად თუკი ემიგრანტი ოდესმე სარგებლობდა ე.წ. “სახელმწიფო სოციალური ბენეფიტებით” (დაზღვევა, ფულადი დახმარება, საკვები ჩეკები….) ეს აღარ გახდება მწვანე ბარათის მიღებაზე უარის თქმის საფუძველი.
2. განახლდება ე.წ. “DACA” პროგრამა. ეს ორ ეტაპად განხორციელდება. პირველი-გაგრძელდება მათი სტატუსი. ხოლო მეორე ეტაპი კონგრესი განიხილავს საბოლოოდ მათთვის (და მათი ოჯახის წევრებისათვისაც კი )მოქალაქეობის საკითხს.
3. პრეზიდენტი ბაიდენი აპირებს რომ გააუქმოს ის შეზღუდვები რომელიც შეეხება “პოლიტიკური თავშესაფრის” და “დევნილის” სტატუსის მიღებას რაც ტრამპმა დაადგინა.
• ბაიდენმა განაცხადა, რომ მას უნდა მნიშვნელოვნად გაზარდოს თავშესაფრის მაძიებელთა ქვოტა (125 000- წელიწადში), თუმცა ამას დასჭირდება კონგრესის თანხმობა.
• სავარაუდოდ ის გააუქმებს ტრამპის მიერ გამოცემულ ორდერს, როდესაც თავშესაფრის მაძიებელს ამერიკა არ იღებდა და მას მექსიკაში ან სხვა მეზობელ ქვეყანაში უხდებოდა ე.წ. “საემიგრაციო რიგის” ლოდინი.
განისაზღვრება და დაჩქარდება საემიგრაციო ქეისების განხილვის ვადები.
• მშობლებს აღარ განაცალკევებენ შვილებისაგან და ისინი საემიგრაციო ციხეში იქნებიან ერთ სივრცეში.
4. შეიზღუდება იმ ადამიანების დეპორტაცია, ვისაც მართალია დარღვეული აქვთ სავიზო რეჟიმი, მაგრამ ამერიკის ტერიტორიაზე არ ჩაუდენიათ მძიმე დანაშაული. ის მოუწოდებს საემიგრაციო პოლიციას დაკავდეს იმ ადამიანების დევნით, ვინც საფრთხეს წარმოადგენენ საზოგადოებრივი უსაფრთხოებისათვის და ამერიკის სახელმწიფოს ინტერესებისათვის.
5. მოხდება მოქალქაეობის პროცედურების ოპტიმიზაცია. დღეს 740 000 ადამიანი (მწვანე ბარათის მფლობელი) ელოდება თავის რიგს რომ მიიღოს მოქალაქეობა. ბაიდენი გვპირდება რომ საგრძნობლად დაჩქარდება ეს პროცედურები.
6. ის ასევე აპირებს რომ დააჩქაროს საემიგრაციო პროცედურები იმ ადამიანებისათვის, რომლებიც პანდემიის დროს იყვნენ ფრონტის წინა ხაზზე.
7. ბაიდენი ხაზგასმით აღნიშნავს ვეტერანების როლს სახელმწიფოში. ის აპირებს, რომ უკან დააბრუნოს ტრამპის მიერ დეპორტირებული ვეტერანები და მისცეს მათ საშუალება იცხოვრონ თავის ოჯახებთან ერთად.
8. გაუქმდება აკრძალვა 13 მუსლიმანური ქვეყნის მოქალაქეებისათვის, რომელიც ტრამპმა 2017 წელს შემოიღო.
9. შეჩერდება ე.წ. “მექსიკის კედლის” მშენებლობა და სხვა ფორმებით შეუწყობენ ხელს საზღვრის კონტროლს.
პ.ს. მალე გამოვაქვეყნებ დაპირებული ცვლილებების მეორე ნაწილს, რაც მისაღებად უფრო მეტ დროს და კონგრესის და ზოგჯერ სენატის თანხმობასაც მოითხოვს. მადლობა ყურადღებისათვის!”, – წერს გია ხუროშვილი.
გააზიარეთ და მოიწონეთ სტატია:

მსგავსი სტატიები

  • 97
    "რა ღირს ტიტები?" - რეალური ისტორიარა ღირს ტიტები? ჰკითხა ყვავილების გამყიდველს ჩავებში ჩაცმულ მოხუცმა კაცმა. გამყიდველ გოგონამ ახედა ცოტა გაკვირვებული თვალებით და უთხრა თაიგული თუ გნებავთ დაგიკლებთ, თუ ცალათ გნებავთ მაშინ ცოტა ძვირია. – თაიგული მინდა შვილო, ლამაზი თაიგული უნდა გამიკეთო, ოღონდ გრძელი ხერო შემირჩიე უთხრა და ნაჭრის ქისა ამოიღო ჯიბიდან.. – საჩუქრად გინდათ ბაბუ?…
    Tags: და, რომ, ის, საზოგადოება, მთავარი, თემა, ახალი, ამბები, სოციალური, ქსელი
  • 97
    ,,ჩავუსაფრდი და ვუთხარი, რომ..."ლეიბორისტული პარტიის თავმჯდომარე შალვა ნათელაშვილი თემურ წიკლაურთან გაცნობას იხსენებს: ,,ჩავუსაფრდი და ვუთხარი, რომ..." "მე და თემურ წიკლაური ვახლობლობდით. ჩვენი დედები ნათესავებია, მაგრამ მე მას არ ვიცნობდი და 17 წლის ბიჭი ჩავუსაფრდი ფილარმონიის უკანა კარების  გამოსასვლელთან. მისი კონცერტი იყო ანშლაგით მაშინ, გრგვინავდა "ივერია" და თემურ წიკლაური მთელი საბ ჭოთა კავშირის მასშტაბით.…
    Tags: და, ის, რომ, საზოგადოება, მთავარი, თემა, ახალი, ამბები, სოციალური, ქსელი
  • 96
    ბედნიერი ადამიანის 7 საიდუმლო1. არ იფიქროთ იმაზე, რას ფიქრობენ თქვენზე სხვები – თავისფლების საიდუმლო 2. აზრები აუცილებლად მატერიალიზდება – სასურველის შექმნის საიდუმლო 3. შეიყვარეთ და მიიღეთ თქვენი სხეული – სილამაზის საიდუმლო 4. არ გაკიცხოთ და გააკრიტიკოთ როგორც, საკუთარი თავი, ასევე სხვები – მეგობრობის საიდუმლო 5. გაეცით სიყვარული და ნუ ეცდებით საყვარელი ადამიანების შეცვლას – სიყვარულის საიდუმლო 6. თავიდან ისწავლეთ გაცემა და მერე მიღება – სიმდიდირის საიდუმლო 7. ნაკლები იფიქრეთ,…
    Tags: და, საზოგადოება, მთავარი, თემა, ახალი, ამბები, სოციალური, ქსელი
  • 96
    "ხმა ამოიღეთ! ყველას არ შეუძლია საზღვარგარეთ მკურნალობა და გამოკვლევების ჩატარება""თქვენ გელით სიკვდილი (ბოდიშის გარეშე) ვუბრუნდები ჩემს მიერ შეპირებულ პუბლიკაციას, რის შესახებაც ერთი კვირის წინ გავაკეთე მოკლე ანონსი. შეგახსენებთ, რომ თემა ეხება საქართველოს ჯანდაცვის სისტემას, რომლის მთავარი პრიორიტეტი თითოეული თქვენგანის უსაფრთხოებას უნდა წარმოადგენდეს და არა საფრთხეს, რომელმაც შესაძლოა ერთდროულად გაგანადგუროთ, როგორც მორალურად, ასევე ფიზიკურად და მატერიალურად. მეორე ათეული წელია ვცხოვრობ…
    Tags: და, საზოგადოება, მთავარი, თემა, ახალი, ამბები, სოციალური, ქსელი