გახარია: ერთობა გვმართებს, რომელიც ვაჩვენეთ 2008 წელს ერთ მუშტად შეკრულებმა მტრის წინაშე

“დღეს ჩვენი ქვეყნისთვის განსაკუთრებით მძაფრია 14 წლის წინანდელი ტრაგედია.

დღეს, როცა რუსეთი ახლა უკვე მოძმე უკრაინის წინააღმდეგ ახორციელებს აგრესიას და ამ წუთებშიც იღუპებიან ადამიანები.

დღეს, როცა შექმნილი ვითარებიდან გამომდინარე, კვლავ უსაფრთხოების რისკების წინაშე დგას საქართველო და როცა განსაკუთრებული გონიერება გვმართებს ყველას, გონიერება და ერთობა…

ერთობა, რომელიც ვაჩვენეთ 2008 წელს ერთ მუშტად შეკრულებმა მტრის წინაშე ჩვენი ღირსების, თავისუფლებისა და მიწის დასაცავად.

ჩვენ დღეს ჩვენს ჯარისკაცებს, მებრძოლებს, ყველას, ვინც 2008 წლის აგვისტოს რუსეთ-საქართველოს ომში ყველაზე ძვირფასი – სიცოცხლე გაწირა, მივაგებთ პატივს. ქედს ვიხრით ჩვენი გმირების წინაშე!

მათი და ჩვენი წინაპრების, ჩვენი მომავალი თაობის ნება ერთიანი, ძლიერი, ევროპული სახელმწიფო – საქართველოა!

ამიტომ, არავის აქვს და გვაქვს უფლება, მათ ნებას წინ აღვუდგეთ!

საქართველოს ყოფილი პრემიერმინისტრი გიორგი გახარია აგვისტოს 2008 წლის ომიდან 14 წლისთავს FACEBOOK-ზე ეხმიანება.

გააზიარეთ და მოიწონეთ სტატია:
Pin Share