“რუსეთის დროშის ქვეშ მცურავ გემზე არ ვრცელდება სანქციები… მიეცა შემოსვლის ნებართვა” – შემოსავლების სამსახურის განცხადება

საქართველოს ფინანსთა სამინიტროს შემოსავლების სამსახური ადასტურებს, რომ ბათუმის საზღვაო ნავსადგურში, 7 აგვისტოს რუსეთის დროშის ქვეშ მცურავი გემი OPOLYE შემოვიდა .

უწყების ცნობით, გემზე დატვირთული იყო ერთ-ერთი რუსული კომპანიიდან ქართული კომპანიისთვის გამოგზავნილი მყარი ხელოვნური საწვავი კოქსი, თუმცა კომპანიის სახელს არ ასახელებს.

შემოსავლების სამსახურის ცნობით,  გემზე არ ვრცელდება სანქციები და ამიტომ მას მიეცა საქართველოს საზღვაო ნავსადგურში შემოსვლის ნებართვა.

“აღნიშნულ გემზე დატვირთული იყო ერთ-ერთი რუსული კომპანიიდან ქართული კომპანიისთვის (უწყება თავს იკავებს კომპანიების სახელწოდებების დასახელებისგან და საგადასახადო საიდუმლოების შემცველი ინფორმაციის გავრცელებისგან) გამოგზავნილი, იმპორტის საბაჟო პროცედურებში მოქცევისთვის განკუთვნილი ტვირთი – 3182.642 ტონა მყარი ხელოვნური საწვავი კოქსი.

საქართველოს ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს მიერ სანქციებთან მიმართებით შემოწმდა როგორც გემი, ისე გემთმფლობელი, ასევე გემის მოძრაობის ტრაექტორია, რომელიც შეესაბამება წარმოდგენილ დოკუმენტებს.

მონიტორინგის შედეგად დადასტურდა, რომ აღნიშნულ გემზე არ ვრცელდება სანქციები და შესაბამისად მას მიეცა საქართველოს საზღვაო ნავსადგურში შემოსვლის ნებართვა.

ვინაიდან აღნიშნული გემი, გემთმფლობელი და ტვირთი არ არის შესული საერთაშორისო სანქციების სიაში, აღნიშნულიდან გამომდინარე, საბაჟო კონტროლის პროცედურების დასრულების მიზნით, მიმდინარეობს ტვირთის დაცლა და კანონმდებლობის შესაბამისად იმპორტის პროცედურაში მოქცევა”- ნათქვამია განცხადებაში.

განცხადების მიხედვით, ფინანსთა სამინისტროს შემოსავლების სამსახური და საქართველოს საზღვაო ტრანსპორტის სააგენტო კოორდინირებულად, მუდმივ რეჟიმში ახორციელებენ, როგორც გემების, ასევე გემთმფლობელების შემოწმებას საერთაშორისო სანქციებთან მიმართებით და თუ გემი, გემის მფლობელი ან ტვირთი არის სანქციების სიაში, მას არ ეძლევა საქართველოს ნავსადგურებში შემოსვლისა და საბაჟო პროცედურების განხორციელების უფლება.

გააზიარეთ და მოიწონეთ სტატია:

მსგავსი სტატიები:

ხელისუფლებამ თბილისის შემოსავლელი გზები ჩაკეტა, მიზეზად მეტეოროლოგიური პირობები სახელდება “მელია იდეალისტია და მან მუხლზე უნდა გადაიმტვრიოს “ქოცური” სამართალი” როგორ ცხოვრობს მსოფლიოში ყველაზე მდიდარი მეფე – გაიცანით სკანდალური და ექსტრავაგანტული რამა X ოზურგეთელმა სასწრაფოს ექიმმა გალფის გათამაშებაში ავტომანქანა მოიგო “თქვენ იცით ჩვენთან დამარცხების გემო! რადგან ახლა, ყველასთან ერთად ბრძოლა გადაწყვიტეთ, თქვენი დამარცხების ფასიც სხვა იქნება” “ეს, ის ქვეყანაა, სადაც, იყო მართალი, არ ნიშნავს იყო ბედნიერი”– ნინო ქათამაძე საავტომობილო მიმოსვლა რიკოთის უღელტეხილზე უამინდობის გამო შეწყვეტილია “რუსეთის უკრაინაში შეჭრა არასდროს არ უნდა მომხდარიყო”