“ოცნებიდან” წასულები აშშ-ს ხელისუფლების გადატრიალების მცდელობაში ადანაშაულებენ

“ქართული ოცნების” ე.წ ამბოხებული დეპუტატები ამერიკის შეერთებულ შტატებს ხელისუფლების გადატრიალების მცდელობაში ადანაშაულებენ. სახელისუფლებო გუნდიდან ფორმალურად წასულებმა დღეს მორიგი წერილი გაავრცელეს და მთავარ სტრატეგიულ მოკავშირეს რევოლუციური სცენარის დაგეგმვაში დასდეს ბრალი.

ე.წ განდგომილების კვარტეტი წერს, რომ რადიკალური ოპოზიციის უკან ამერიკის შეერთებული შტატები დგას, რომლის მიზანიც პოლარიზაციის გაღრმავება და ხელისუფლების ცვლილებაა.

“როგორც მოგეხსენებათ, უკრაინაში მიმდინარე ომისთვის სამზადისი დაახლოებით სამი წლის წინ დაიწყო. ერთი მხრივ, რუსეთი ემზადებოდა სამხედრო ინტერვენციისთვის და ახორციელებდა სამხედრო ძალების მობილიზებას, ხოლო, მეორე მხრივ, მიმდინარეობდა უკრაინის ინტენსიური შეიარაღება და მომზადება სამხედრო კონფლიქტისათვის.

ზუსტად იგივე დროს, სამი წლის წინ, დაიწყო მზადება საქართველოში ხელისუფლების ცვლილებისთვის და ხელისუფლებაში ისეთი ადამიანების მოსაყვანად, რომლებიც ქვეყნის ომში ჩართვას მარტივად მოაწერდნენ ხელს. ლოგიკურია, რომ ომის სცენარში საქართველოს მნიშვნელოვანი როლის შესრულება შეეძლო. მეორე ფრონტი და საქართველოში ათეულობით ათასი რუსი სამხედროს, აგრეთვე შესაბამისი ტექნიკისა და აღჭურვილობის მოცდენა რუსეთს შეუქმნიდა მნიშვნელოვან სირთულეებს უკრაინის ფრონტზე. გარდა ამისა, მეორე ფრონტი ორმაგად დააზიანებდა რუსეთის საერთაშორისო იმიჯს, რაც ევროპას უკრაინის ფრონტისთვის დახმარების გაწევის ენთუზიაზმს კიდევ უფრო დიდი ხნით შეუნარჩუნებდა.

დიდ მოთამაშეს საქართველო რომ მეორე ფრონტად უნდა, ამაში ის, გარკვეული თვალსაზრისით, შეიძლება ვერც გაამტყუნო. დიდი მოთამაშე პროცესებს გლობალური გადმოსახედიდან უყურებს და პატარა ქვეყნის ინტერესები მის მხედველობაში ამ გადმოსახედიდან, სამწუხაროდ, ვერც კი ხვდება. თუმცა, ბუნებრივია, ნებისმიერი პატრიოტულად მომართული ხელისუფლება, პირველ რიგში, საკუთარი ქვეყნის გადარჩენაზე უნდა ზრუნავდეს და შესაბამის საფრთხეებს ქვეყანას როგორც მტრებისგან, ისე მეგობრებისგან უნდა არიდებდეს. რაც მთავარია, როდესაც ვიღაცას ქვეყნის ომში ჩართვა სურს, კეთილი უნდა ინებოს და საზოგადოებას ეს ღიად უნდა უთხრას, რათა შესაბამისი გადაწყვეტილება ხალხის ნების წინააღმდეგ არ იქნეს მიღებული. ხალხის გვერდის ავლით ამგვარი გადაწყვეტილების მიღება უხეშად ეწინააღმდეგება დემოკრატიის ფუნდამენტურ პრინციპს, რომელიც ათწლეულების მანძილზე დასავლური სამყაროს ქვაკუთხედი იყო. როდესაც ხალხის ძალის გეშინია და ამიტომ მას სიმართლეს უმალავ, აშკარაა, რომ ამ ხალხისთვის შენ სიკეთე არ გინდა.

გასული სამი წლის განმავლობაში, საზოგადოება აკვირდებოდა ხალხის ნების წინააღმდეგ ხელისუფლების შეცვლის მცდელობას, რომელიც საელჩოდან იყო სრულად კოორდინირებული. ამ მცდელობის მთავარი მიზანი ხელისუფლებაში უსამშობლო და პატრიოტიზმისგან დაცლილი ადამიანების მოყვანა იყო, რომლებიც თვალდახუჭული მოაწერდნენ ხელს ომს, როგორი გამანადგურებელიც არ უნდა ყოფილიყო ის საქართველოსთვის”, – ნათქვამია სოზარ სუბარის, მიხეილ ყაველაშვილის, დიმიტრი ხუნდაძისა და გურამ მაჭარაშვილის ერთობლივ განცხადებაში.

გააზიარეთ და მოიწონეთ სტატია:

მსგავსი სტატიები:

ვიდეო: გურიის ახალი გუბერნატორის პირველი კომენტარი ირაკლი კობახიძე ადამ კიზინგერის ხისტ განცხადებას მოისმენს – თავისუფლება პოლიტპატიმრებს, დანიშნეთ ვადამდელი არჩევნები ამ კაცმა თავის ყველა მეზობელს სიმყუდროვე და კომფორტი შეუქმნა – თემურ თათარაშვილი ნიკა მელიას პარლამენტის წევრის უფლებამოსილება შეუწყდა “ჩელენჯი” გვაქვს ღარიბაშვილთან – მიხეილ სააკაშვილის პასუხი პრემიერს ჯოხით ხართ საცემი ამ წიგნის ავტორებიც და გრიფის მიმნიჭებლებიც-ზურაბიშვილი სახელმძღვანელოზე ”ენმ-ს სურს, საქართველო ჩაითრიოს დიდ ომში, რომლიდანაც ჩვენი ქვეყანა ვეღარასდროს გამოვა” მედვედჩუკის დამლაგებლის სახლის ჩხრეკისას 467 000 დოლარი და 87 000 ევრო აღმოაჩინეს – ვენედიქტოვა