“მედიაომბუდსმენის” განცხადებით, უკანონო მიყურადებისა და ფარული მოსმენების საქმეში ფიგურანტი 41 ჟურნალისტიდან პროკურატურამ 23 დაზარალებულად ცნო. დაზარალებულად ცნობას კიდევ 11 ჟურნალისტი ითხოვს.
საქმე ეხება 2021 წლის 13 სექტემბერს გავრცელებულ ე.წ. კრებსებს, რომელშიც დაახლოებით 58 000-მდე ფაილი იყო.
10 ჟურნალისტის სახელით საჩივარი ადამიანის უფლებათა ევროპულ სასამართლოშიც გაიგზავნა.
“მედიაომბუდსმენი უკანონო მიყურადების და ფარული მოსმენების საქმეზე მთლიანობაში 41 ჟურნალისტს იცავს. მასშტაბური მოსმენების და უკანონო თვალთვალის სამიზნედ ჟურნალისტები სხვადასხვა გავლენის და სარედაქციო პოლიტიკის 14 მედიასაშუალებაში (საზოგადოებრივი მაუწყებელი, საზოგადოებრივი მაუწყებლის აჭარის ტელევიზია და რადიო რადიო თავისუფლება, მთის ამბები, ონლაინგამოცემა გაზეთი ბათუმელები/ნეტგაზეთი, ონლაინგამოცემა პუბლიკა, ონლაინგამოცემა ტაბულა, ტელეკომპანია კავკასია, ტელეკომპანია ფორმულა, ტელეკომპანია პირველი, პალიტრა NEWS, რადიო პალიტრა, On.ge და რადიო ფორტუნა) პროფესიული მოვალეობის შესრულების პროცესში იქცნენ”, – წერია განცხადებაში.
ე.წ. კრებსები მოიცავს ჟურნალისტების, რელიგიურ ორგანიზაციათა წარმომადგენლების, პოლიტიკოსების, სამოქალაქო აქტივისტების, დიპლომატების და სხვა პირთა კერძო კომუნიკაციის და პირადი ცხოვრების შესახებ დეტალურად დამუშავებულ ინფორმაციას, რომლის ავთენტურობა უკვე არაერთმა ადამიანმა დაადასტურა.
მსგავსი სტატიები:
“ნაციონალურ მოძრაობას”გახსნილი აქვს რევოლუციური შტაბი, მერაბიშვილის მეთაურობით”- კობახიძე
ოპოზიციის გეგმის თანამონაწილეები “მთავარი არხი” და “TV პირველი” იქნებიან – კობახიძე
“რესპუბლიკელებმა გადავწყვიტეთ, “ოცნება” კედელთან მივაყენოთ”
სააკაშვილი- საქართველოს ხელისუფლებამ მორიგი სირცხვილი ჭამა
გამოვა თუ არა ციხიდან გიორგი მამალაძე? – რა მოლოდინი აქვს ოჯახს მეუფე ნიკოლოზის აღიარების შემდეგ
“ძალიან ოპტიმისტურადაა განწყობილი..დარწმუნებულია, რომ ქართველი ხალხი დაიხსნის მას ციხიდან” – თემურ ჯანაშია ციხეში სააკაშვილს შეხვდა
საქართველოში დენი ისევ ძვირდება?
ციხეში უფლებების დარღვევა – მესამე პრეზიდენტი სახდეპის ანგარიშს ეცნობა