საქართველოს პროკურატურამ ყოფილი მეუღლის დამამძიმებელ გარემოებებში განზრახ მკვლელობის ფაქტზე, ერთ პირს, ი.ტ.-ს, ბრალდება წარუდგინა და მას აღკვეთის ღონისძიების სახით პატიმრობა შეეფარდა:
“შინაგან საქმეთა სამინისტროს მიერ ჩატარებული გამოძიებით დადგინდა, რომ 12 აგვისტოს, ბრალდებულმა ქ. ოზურგეთში, სახლში მიაკითხა ყოფილ მეუღლეს, რომელთანაც შერიგებისა და თანაცხოვრების ერთად გაგრძელების თაობაზე მოუხდა კამათი, რაც კონფლიქტში გადაიზარდა. ბრალდებული დაზარალებულს გენდერის ნიშნით შეუწყნარებლობის მოტივით, მათი არასრულწლოვანი შვილის თანდასწრებით, ფიზიკურად გაუსწორდა, რის შემდეგაც მჭრელი, ბასრი საგნით სხეულზე მრავლობითი ჭრილობები და სხვა დაზიანებები მიაყენა. დაზარალებული შემთხვევის ადგილზე გარდაიცვალა.” ნათქვამია პროკურატურის განცხადებაში.
უწყების ინფორმაციითვე, ბრალდებული ყოფილი მეუღლის მიმართ განხორციელებული ფიზიკური ძალადობისთვის და სისტემატური შეურაცხყოფისთვის ოზურგეთის რაიონული სასამართლოს 2018 2020 და 2021 წლების განაჩენებით იყო მსჯავრდებული.
“სამივე საქმეზე პროკურატურა ითხოვდა პატიმრობას, საქმეები არსებითი განხილვით დასრულდა და აღნიშნულ საქმეებზე ბრალდებულს მისჯილი ჰქონდა თავისუფლების აღკვეთა. გარდა ამისა, დაზარალებულზე განხორციელებული ფსიქოლოგიური ძალადობისთვის 2018 და 2021 წლებში მის მიმართ გამოცემული იქნა შემაკავებელი ორდერები.
აქვე აღსანიშნავია, რომ ი.ტ.-ს მიერ ბოლო სასჯელის მოხდის შემდგომ, კერძოდ, 21 აპრილს პენიტენციური დაწესებულების დატოვების შემდეგ, მკვლელობის ჩადენამდე დაზარალებულს ბრალდებულის მიმართ რაიმე საჩივრით სამართალდამცავებისთვის არ მიუმართავს.” წერს პროკურატურა.
ი.ტ.-ს ბრალდება საქართველოს სისხლის სამართლის კოდექსის 11 პრიმა, 109-ე მუხლის „თ“, „კ“ და „მ“ ქვეპუნქტებით (განზრახ მკვლელობა გენდერის ნიშნით, ოჯახის წევრის მიმართ, ჩადენილი განსაკუთრებული სისასტიკით) წარედგინა, რაც 16-დან 20 წლამდე ან უვადო თავისუფლების აღკვეთას ითვალისწინებს. პროკურატურის შუამდგომლობის საფუძველზე, ბრალდებულს აღკვეთის ღონისძიების სახით პატიმრობა შეეფარდა.
პროკურატურის განცხადებითვე, გარდაცვლილის მცირეწლოვან შვილთან, საგამოძიებო ორგანოების ჩართულობით მუშაობენ ფსიქოლოგი და სოციალური მუშაკი. დაზარალებულის გამოკითხვა და სხვა საგამოძიებო მოქმედებები არასრულწლოვანის საუკეთესო ინტერესების გათვალისწინებით, ასევე ფსიქოლოგის მონაწილეობით ჩატარდება.
სისხლის სამართლის საქმეზე გამოძიება გრძელდება.
მსგავსი სტატიები:
ჰარცელი გვარამიას ნომრის გასაჯაროვებაზე: უსიამოვნო სიურპრიზი იყო… არაეთიკურად მივიჩნევ
თემურ წიკლაურის უკანასკნელი კლიპი – რას გეგმავდა კლინიკიდან გამოსვლის შემდეგ
დარღვევები თბილისის მერიაში – აუდიტმა სკანდალური დასკვნა გამოაქვეყნა
“ახლა კინწისკვრით უნდა ვყრიდეთ ამ ყოვლად უნიჭო და კორუფციაში ჩაფლულ ხელისუფლებას”-ჩარკვიანი
დავიწყოთ ბოიკოტი, არ გავუწიოთ დახმარება ხელისუფლების წარმომადგენლებს-კლინიკების ასოციაცია
გომელაურს მაგარი მინისტრია, წიაღი იცის კარგად – კახაძე
ხაზარაძე ქართულ ოცნებას: მონები ხართ
მიანიჭეთ საქართველოს ევროკავშირის კანდიდატი ქვეყნის სტატუსი – სააკაშვილი EU-ს