“საქართველოსთვის ეს ტრაგედიაა… რა წამებით ზრდიდა პატარას, რა იმედებით და როცა ეგონა, რომ მოესწრო შვილი…” – დინა მირცხულავა ფემიციდზე

მწერალი, დინა მირცხულავა საქართველოში ფემიციდის გახშირებულ ფაქტებს ეხმაურება და წერს, რომ ეს ქვეყნისთვის ტრაგედიაა.

“ორ დღეში ორი ქალი
ისეთი პატარა ქვეყნისთვის, როგორიც საქართველოა, ეს ტრაგედიაა…
ისიც ვიცი, რომ დღეში ათეულობით ასეთი ამბავი ხდება ევროპაში პატარა დედა მოკლა გუშინ შვილმა.

მთელი დღე იმაზე ვფიქრობდი, რომ ჩვიდმეტი წლის ასაკში გახდა დედა, რა რუდუნებით, რა წამებით ზრდიდა პატარას, რა იმედებით და როცა ეგონა, რომ მოესწრო შვილი…
როცა ეგონა
და საბოლოოდ დავრწმუნდი, რომ ის ფრაზა “გაშორდეს ქმარს და რაც უნდა – აკეთოს” ჩემს ქვეყანაში არ მუშააობს !
თითქმის ყველა შემთხვევა აქედან მოდის, რომ ქალებს არა აქვთ ახალი ცხოვრების დაწყების უფლება, რომ ქალები მუდმივად რჩებიან ყოფილების პირად საკუთრებად.

არ ვიცი, რა უნდა გაკეთდეს ამ კუთხით, რა უნდა ქნას სახელმწიფომ, რა უნდა ვქნათ თითოეულმა ადამიანმა, ამას ალბათ უფრო სოც მუშაკები დაწერენ და გაწერენ, მაგრამ ფაქტი ერთია – ორ დღეში ორი ქალი.

იქნებ განათლების დონემ უნდა აიწიოს ამ კუთხით, რომ ქალს თუ შვილი ჰყავს – დედა ხდება, მაგრამ მასში ქალი არ კვდება და აქვს უფლება ცხოვრობდეს, უყვარდეს, უხაროდეს…

არ ვიცი რა დავწერო, არ ვიცი როგორ ვუთანაგრძნო კიდევ იმ ათასობით ქალს, ვისზეც ყოველდღიურ რეჟიმში ძალადობენ და ჯერაც არ მოუკლავთ…”, – წერს დინა მირცხულავა.

გააზიარეთ და მოიწონეთ სტატია:

მსგავსი სტატიები:

სოფელ ბახვის “ლინეიკა” – 1905 წელი გამყრელიძე: “6 მაისს საქართველოში “ასტრაზენეკას” 43 000 დოზა შემოვა” შსს: მოპედებით გადაადგილებისთვის მძღოლებს მართვის მოწმობები დასჭირდებათ შიმშილობა და თალასემია-ექიმი მარინა ტოტოჩავა მეუფე იოსები: “ვინც უშეცდომოა, იმან ესროლოს პირველი ქვა მიხეილ სააკაშვილს” “ვფიქრობთ, რომ საქართველოს მესამე პრეზიდენტს უნდა ჰქონდეს საკუთარ სამშობლოში თავისუფალი ცხოვრების შესაძლებლობა”-მეუფე გრიგოლი ჩოხატაურის მერიის კულტურის სამსახურის უფროსი კორონავირუსით გარდაიცვალა აშშ-ში, 12 წლის წინ დაკარგული ძაღლი პატრონთან დააბრუნეს