საქართველოს პროკურატურამ, ოზურგეთის მუნიციპალიტეტის დაბა გომისმთაზე სახელმწიფოს კუთვნილი უძრავი ქონების თაღლითურად დაუფლების 5 ფაქტი გამოავლინა.
არსებული ინფორმაციით ბრალდებულებმა ყალბი დოკუმენტების გამოყენებით, თაღლითურად დაეუფლნენ მიწის ნაკვეთებს. უწყების ცნობით, ბრალდებულებმა ითანამშრომლეს გამოძიებასთან, რისი გათვალისწინებითაც, მათთან საპროცესო შეთანხმება გაფორმდა.
“საქართველოს პროკურატურამ დაბა გომისმთაში, სახელმწიფოს კუთვნილი მიწების თაღლითურად დაუფლების კიდევ 5 ფაქტი გამოავლინა. ჩატარებული გამოძიებით დადგინდა, რომ 2021 წელს, ბრალდებულები ყალბი დოკუმენტების გამოყენებით, თაღლითურად დაეუფლნენ ოზურგეთის მუნიციპალიტეტის დაბა გომისმთაში მდებარე მიწის ნაკვეთებს, რითაც სახელმწიფოს დიდი ოდენობით ქონებრივი ზიანი მიაყენეს. ხუთივე ბრალდებულმა ითანამშრომლა გამოძიებასთან და ხელი შეუწყო მტკიცებულებების მოპოვებას, რისი გათვალისწინებითაც, მათთან საპროცესო შეთანხმება გაფორმდა. სასამართლოს განაჩენით, მსჯავრდებულებს სახელმწიფოს სასარგებლოდ თაღლითურად დაუფლებული მიწის ნაკვეთები ჩამოერთვათ. პროკურატურა აგრძელებს გამოძიებას ანალოგიური დანაშაულის ჩამდენ პირთა გამოვლენის და მხილების მიზნით”, – წერია განცხადებაში
უწყების ინფორმაციით, ოზურგეთის მუნიციპალიტეტის დაბა გომისმთაში, სახელმწიფოს კუთვნილი მიწების თაღლითურად დაუფლების ფაქტებზე 28 პირია მსჯავრდადებული და სახელმწიფოს დაახლოებით მილიონი ლარის ღირებულების უძრავი ქონება დაუბრუნდა.
მსგავსი სტატიები:
სოფელ ბახვის “ლინეიკა” – 1905 წელი
გამყრელიძე: “6 მაისს საქართველოში “ასტრაზენეკას” 43 000 დოზა შემოვა”
შსს: მოპედებით გადაადგილებისთვის მძღოლებს მართვის მოწმობები დასჭირდებათ
შიმშილობა და თალასემია-ექიმი მარინა ტოტოჩავა
მეუფე იოსები: “ვინც უშეცდომოა, იმან ესროლოს პირველი ქვა მიხეილ სააკაშვილს”
“ვფიქრობთ, რომ საქართველოს მესამე პრეზიდენტს უნდა ჰქონდეს საკუთარ სამშობლოში თავისუფალი ცხოვრების შესაძლებლობა”-მეუფე გრიგოლი
ჩოხატაურის მერიის კულტურის სამსახურის უფროსი კორონავირუსით გარდაიცვალა
აშშ-ში, 12 წლის წინ დაკარგული ძაღლი პატრონთან დააბრუნეს