სამცხე-ჯავახეთის მხარის რწმუნებულის, ბესიკ ამირანაშვილის ინფორმაციით, ბორჯომში, ზოვრეთის ტერიტორიაზე ძლიერმა ქარმა კვლავ გააღვივა ხანძარი და ამ დროისთვის, მეხანძრეები რამდენიმე კერაზე ცდილობენ ხანძრის ლოკალიზებას. ამირანაშვილმა განცხადება საზოგადოებრივ მაუწყებელთან გააკეთა.
მისივე თქმით, თუ ხანძრის ჩაქრობა დღესვე ვერ მოხერხდება, ხვალ დილიდან სავარაუდოდ, ვერტმფრენის ჩართვა გახდება საჭირო.
„მთელი ღამის განმავლობაში, გუშინ საღამოდან მეხანძრე-მაშველები, ასევე სატყეო დეპარტამენტის თანამშრომლები და მუნიციპალიტეტის თანამშრომლები ერთობლივად მუშაობდნენ და დღეს შუადღისთვის მოხდა ხანძრის ლიკვიდირება, მაგრამ დღის მეორე ნახევარში გაძლიერებულმა ქარმა კვლავ გააჩინა ახალი კერები და მოხდა ძველი კერების გაღვივება. ამ დროისთვის, ზოვრეთში სხვადასხვა ლოკაციაზე არის რამდენიმე კერა, ცეცხლი უკიდია ტორფს და არის დაკვამლიანება, ასევე, შეინიშნება ღია ცეცხლიც.
მთელი რეგიონის სახანძრო-სამაშველო სამსახური მობილიზებულია. ჩემი ინფორმაციით, მათ ასევე ეხმარებიან სხვა რეგიონის მეხანძრე-მაშველებიც, ყველაფერს აკეთებენ მაქსიმალურად, რომ მოხდეს ხანძრის ჩაქრობა. სპეციალური ტუმბოების საშუალებით მდინარე მტკვრიდან ხდება წყლის აქაჩვა კერებამდე, მაგრამ რადგან არის ციცაბო დამრეცი კლდე, ძალიან რთულია ხანძრის ჩაქრობა და ეფექტური იქნება ვერტმფრენის გამოყენება. დღეს თუ ვერ მოახერხებენ მეხანძრე-მაშველები ხანძრის ლოკალიზებას, ხვალ დილით ალბათ, აუცილებელი გახდება ვერტმფრენის ჩართვა“, – განაცხადა ამირანაშვილმა.
მსგავსი სტატიები:
„ერის სიხარბე გენეტიკურია… რა მენტალობაა, რა აზროვნებაა! – მამა პეტრე სავაჭრო ცენტრებთან შექმნილ საცობებზე
‘ვერ დავიჯერებ, რომ გახარიამ ბრძანება გასცა აქციის მონაწილეებს თვალები დასთხარეთო”
მრჩეველთა საბჭოს მუშაობის პრინციპები
“მიშა, რისთვის გადადე თავი, ან რისთვის გამოგვაღვიძე”?
პოლარული ბახმარო – ფოტოები
ოკუპანტებმა კიევის ოლქში, ქალებისა და ბავშვების ევაკუაციისას, კოლონა ჩაცხრილეს – დაღუპულია 7 ადამიანი
ძნელი იყო ამ პირობებში მისი ნახვა- სოფო ნიჟარაძემ შვილთან ერთად სააკაშვილი მოინახულა
”იმედია, შსს-ს რეაქცია ამ გაუგონარ და ამაზრზენ დანაშაულზე, იქნება სწრაფი და ადეკვატური,ყოველგვარი კითხვითი ნიშნების გარეშე!”