“24 თებერვალს გვითხრეს: „შანსი არ გაქვთ“ … 24 აგვისტოს ჩვენ ვამბობთ: უკრაინა, გილოცავ დამოუკიდებლობის დღეს!”-ზელენსკი

დამოუკიდებელი უკრაინის თავისუფალი ხალხი! – ამით ყველაფერი ნათქვამია. სულ რაღაც ოთხი სიტყვა, მაგრამ რამდენი რამეა მათ მიღმა დღეს. ჩვენ დამოუკიდებელი უკრაინის თავისუფალი ხალხი ვართ. ჩვენი განადგურების ექვსთვიანი მცდელობის შემდეგ, ჩვენ დამოუკიდებელი უკრაინის თავისუფალი ხალხი ვართ და ეს არის სიმართლე ჩვენი მომავლის შესახებ. დამოუკიდებელი უკრაინის თავისუფალი ხალხი! – ამის შესახებ უკრაინის პრეზიდენტმა, ვოლოდიმირ ზელენსკიმ უკრაინის დამოკიდებლობის დღის აღსანიშნავად გავრცელებულ მიმართვაში განაცხადა.

„ექვსი თვის წინ რუსეთმა ომი გამოგვიცხადა. 24 თებერვალს მთელმა უკრაინამ გაიგო აფეთქებების და სროლის ხმა. არ ელოდნენ, რომ 24 აგვისტოს შესაძლებელი იქნებოდა ამ სიტყვების გაგონება : “გილოცავთ დამოუკიდებლობის დღეს”. 24 თებერვალს გვითხრეს: „შანსი არ გაქვთ“. 24 აგვისტოს ჩვენ ვამბობთ: უკრაინა, გილოცავ დამოუკიდებლობის დღეს!

ამ ექვსი თვის განმავლობაში ჩვენ შევცვალეთ ისტორია, შევცვალეთ სამყარო და შევცვალეთ საკუთარი თავი. ახლა ჩვენ ზუსტად ვიცით, ვინ არის სინამდვილეში ჩვენი ძმა და მეგობარი და ვინ შემთხვევითი ნაცნობიც კი. ვინ არ დაკარგა სახელი და რეპუტაცია და ვის აწუხებდა ტერორისტების სახის შენარჩუნება. ვის არ ვჭირდებით და სად არის კარი ჩვენთვის ღია. გავიგეთ ვინ ვინ არის და მთელმა მსოფლიომ გაიგო, ვინ არიან უკრაინელები. რა არის უკრაინა. აღარავინ იტყვის: ის სადღაც რუსეთთან ახლოსაა.

ჩვენ ჯერ არ გვქონდა HIMARS-ები, მაგრამ გვყავდა ადამიანები, რომლებიც მზად იყვნენ შიშველი ხელით შეეჩერებინათ ტანკები. ისინი მზად არ იყვნენ ჩვენს გამო საჰაერო სივრცის დახურვისთვის, მაგრამ გვყავდა ხალხი, ვინც მზად იყო საკუთარ მიწას გადაჰფარებოდა“, – აღნიშნა ზელენსკიმ.

მისი თქმით, უკრაინამ მსოფლიო გააერთიანა.

„მსოფლიო ისტორიის ყველა სახელმძღვანელოში იქნება პარაგრაფი: „დრო, როცა უკრაინამ გააერთიანა მსოფლიო“, როცა ტირანია პასუხს მისთვის გასაგებ ენაზე იღებს.

ევროპა გამოდის მოედნებზე. ევროპა მკაცრ სანქციებს აწესებს. ევროპა ერთხმად აღიარებს, რომ უკრაინა ევროკავშირის მომავალი წევრია.

მსხვილი ბიზნესი მიხვდა, რომ ფულს ჯერ კიდევ სუნი ასდის – სისხლის, ხრწნისა და სიკვდილის. კორპორაციები და ბრენდები ტოვებენ რუსეთის ბაზარს და ხალხი უფრო მნიშვნელოვანი გახდა, ვიდრე პოტენციური დანაკარგები.

უკრაინის მიმართ მხარდაჭერის არგამოხატვა სირცხვილია. იმის თქმა, რომ უკრაინით დაიღალე, სირცხვილია. ეს ძალიან კომფორტული პოზაა: დაღლილობა თვალების დახუჭვის საფარია. დღეს ჩვენ გვესმის მსოფლიო ლიდერებისგან და რიგითი მოქალაქეებისგან: ჩვენ ვიქნებით თქვენთან ბოლომდე, თქვენს გამარჯვებამდე“, – აღნიშნა ზელენსკიმ.

გააზიარეთ და მოიწონეთ სტატია:

მსგავსი სტატიები:

ინფორმაცია კლინიკიდან, სადაც ელენე ხოშტარია მოათავსეს “თუ „ჩმორების“ მდგომარეობაში ვიქნებით”…. გამოკითხულთა 55%-ს კახა კალაძე მოსწონს, გიორგი გახარია – 55%-ს, მელია – 46%-ს – Edison Research მიშა, ტაშს გიკრავ, ბრძოლა ბოლომდე! – მამის მიმართვა სააკაშვილს ჯანგირაშვილი ტიკარაძეზე:შორს არ წასულა, ამის მერე ვისაც გადააყენებენ, იმას ცოტა შორს გაუშვებენ “თქვენ ხომ არ გცივათ კაბინეტში ბატონო გიორგი”? – ზარი ოზურგეთის მერის მოადგილეს ყვავილების ბაზრობიდან ჩვენ უფრო მეტს ვიმსახურებდით და ასეთი მოქცევა არ შეიძლებოდა – ღარიბაშვილი სტატუსზე სოფო ჭყონია: „ცოტა ხანში ჩვენი ხსენებაც კი არ იქნება არსად, ვიქნებით ერთი რიგითი, ღარიბი, მათხოვარი რუსეთის გუბერნია…“