„დარია კი არა, იმპერატორი ალექსანდრე მეორე და პრემიერი-მინისტრი სტოლიპინი მოკლეს“ – თორნიკე შარაშენიძე

პოლიტოლოგი, თორნიკე შარაშენიძე რუსი პროპაგანდისტის, ალექსანდრ დუგინის ქალიშვილის, დარია დუგინას მკვლელობას სოციალურ ქსელში ეხმაურება.

„დარია დუგინა ნამდვილად რუსების ხელით იქნება მოკლული.

მსგავსი რამეები რუსეთში მე-19 საუკუნიდან მოყოლებული ხდება. დარია კი არა, იმპერატორი ალექსანდრე მეორე და პრემიერი-მინისტრი სტოლიპინი მოკლეს. სხვა შორის, ალექსანდრე ააფეთქეს.

უკრაინელების მხრიდან მსგავსი რამის გაკეთება პრაქტიკულად გამორიცხულია. დუგინის მოკვლა მათ ბევრს არაფერს მისცემდა. პირიქით, როცა სხვა ყველაფერთან ერთად საინფორმაციო ომში ხარ ჩართული, მოწინააღმდეგე მხარეს ასეთი ოდიოზური ფიგურის არსებობა გაწყობს კიდეც. გარდა ამისა, მსგავსი ნაბიჯი უკრაინას რეპუტაციულად დააზარალებდა დასავლეთში; რაც არ უნდა მონსტრს ეომებოდე, ტერაქტის მოწყობა არ არის ლამაზი, მითუმეტეს როცა ევროკავშირის წევრობის კანდიდატი ქვეყანა ხარ.

არც კრემლის გაკეთებული მგონია. ცხადია შეიძლება გაგვახსენდეს საცხოვრებელი კორპუსების საეჭვო აფეთქება რუსეთში რასაც მალე ჩეჩნეთში ახალი ომი მოჰყვა. მაგრამ უკრაინაში ომი უკვე დიდი ხანია მიდის. ტერაქტი წესით არც კიევის შესაძლო დაბომბვის გამართლებად უნდა დასჭირდეთ. თუ რამეა კიევის დაბომბვას ყირიმის დაბომბვით გაამართლებენ (თუკი ცხადია რუსებს აქვთ კიევის დაბომბვის შნო).

და მაინც, არსებობის უფლება აქვს კიდევ ერთ, კონსპირაციულ ვერსიას: ეს რაღაც დაჯგუფება, რომელიც აშკარად დუგინს უმიზნებდა და მისი შვილი შემოაკვდა, შეიძლება ეფესბეს (ანუ, მაინც კრემლის) პროექტია. პროექტი შექმნილი იმ მიზნით რომ ქვეყნის შიგნით ახალი რეპრესიები გაჩაღდეს და მოსახლეობა კიდევ უფრო მეტად დაირაზმოს როგორც გარე, ასევე შიდა “მტრების” წინააღმდეგ. ამ მიზნისათვის დიდი პრობლემა არ უნდა იყოს დუგინის გაწირვა რომელსაც რუსეთის მთავრობაში და სპეცსამსახურებში სერიოზულად არავინ უყურებს“, – წერს თორნიკე შარაშენიძე.

ცნობისთვის, დარია დუგინა რამდენიმე დღის წინ, ავტომობილში ააფეთქეს.

გააზიარეთ და მოიწონეთ სტატია:

მსგავსი სტატიები:

განათლების სამინისტრო განცხადებას ავრცელებს “ივანიშვილის ჯოგი იშლება“ – სააკაშვილი ქაბულის საერთაშორისო აეროპორტიდან დღეს დილიდან ფრენები განახლდა პროტესტის ფორმით დაწერეთ, დახატეთ, მერე ჩვენ ბიძინას წავუღებთ და სახლთან გავუკრავთ – ახალი ინიციატივა დამალული დასკვნა – გეჯაძემ დოკუმენტს ხელი 30 დეკემბერს მოაწერა, მაგრამ დამქირავებელს არ შეატყობინა “3 წლის განმავლობაში არჩევნები არ იქნება…ჩვენი მთავარი ამოცანა სიღარიბის შემცირება და სამუშაო ადგილების შექმნაა” – ღარიბაშვილი ”არახამიას სამშობლო არ აქვს, არც ქართული იცის და არც უკრაინული. გველაპარაკება რუსულად” ”სული არ უნდა გაყიდო..დღეს ჩვენ ვხედავთ ჭინკების ზეიმს” – ხაინდრავა ჟურნალისტებზე