ქართული ოცნების დამფუძნებელი ბიძინა ივანიშვილი ამბობს, რომ ტოვებს როგორც პარტია ქართული ოცნების თავმჯდომარის თანამდებობას, ისე უშუალოდ პარტიასაც და თავის 2011 წლამდე არსებული ცხოვრების წესს უბრუნდება
დღეს, 11 იანვარს გამოქვეყნებულ ღია წერილში ივანიშვილმა დაწერა, რომ თავისი მისია შეასრულა.
“დღევანდელი მმართველი გუნდისთვის უცხოა ხელისუფლების შენარჩუნების ცდუნების გამო, ხალხის ღირსებისა და მათი არჩევანის შებღალვა. ჩვენ არასდროს გადავუხვევთ დემოკრატიისა და თავისუფლების გზას, რაც ბრძენმა ქართულმა საზოგადოებამ სათანადოდ დააფასა და კიდევ ერთხელ დაგვდო ხელისუფლებაში ყოფნის პატივი.
ამიტომაც, ვთვლი, რომ ჩემი მისია შესრულებულია. მივიღე გადაწყვეტილება, საბოლოოდ დავტოვო პოლიტიკა და სრულად ჩამოვცილდე მართვის სადავეებს. მე ვტოვებ როგორც პარტიის თავმჯდომარის პოსტს, ისე საკუთრივ პარტიასაც და ჩემს 2011 წლამდელ, კერძო ცხოვრების წესს ვუბრუნდები.
სულ რამდენიმე კვირაში სამოცდახუთი წელი შემისრულდება, ესეც ერთ-ერთი მნიშვნელოვანი ფაქტორია პოლიტიკური საქმიანობის დასრულების გადაწყვეტილების მიღებისას. ახალგაზრდების წინ წამოწევით ნაკარნახევი ჩემი ეს ნაბიჯი არა მარტო არ შეასუსტებს, არამედ, მჯერა, კიდევ უფრო გააძლიერებს, სიცოცხლისუნარიანსა და მოტივირებულს გახდის მმართველ პარტიას, გაამხნევებს ჩვენს მომხრეებს და უფრო ენერგიულს გახდის ხელისუფლებას“. – თქვა მან.
ფორმულა რამდენიმე დღეა, საუბრობს იმაზე, რომ ბიძინა ივანიშვილი პარტიის დატოვებას გეგმავს. ექსკლუზიური ინფორმაციით, ივანიშვილს ქართული ოცნების თავმჯდომარის პოსტზე ირაკლი კობახიძე ჩაანაცვლებს.
ამასთან, ფორმულას ექსკლუზიური ინფორმაციით, ბიძინა ივანიშვილმა ქონების მნიშვნვნელოვანი ნაწილი ფონდი ქართუს ანგარიშზე გადაიტანა. ლაპარაკია მილიონობით ლარის ქონებაზე.
მსგავსი სტატიები:
ჯეიმს აპატურაი-ოპოზიციური პარტიები უნდა დაბრუნდნენ პარლამენტში
მინაშვილი: მოლაპარაკება რთულად მიმდინარეობს, მოლოდინზე საუბარი რთულია
Bloomberg – კორონავირუსის საწინააღმდეგო ვაქცინით, 133 ქვეყანაში, 420 მილიონი ადამიანი აიცრა
“ამდენი საქმე გვაქვს და ვის სცალია” ნაციონალების კიწიკოწისთვის”
“ჯორჯიან თაიმსის” გენერალურ დირექტორს “რიონის მცველების” აქციაზე ფიზიკურად გაუსწორდნენ
“შესაძლებელია, 2024 წლის შემდეგ, კოალიციური მთავრობის ჩამოყალიბება გახდეს საჭირო”
როდის იწყება Pfizer-ის მეორე დოზებზე რეგისტრაცია?
დავით ჭიჭინაძე – ვის ხარჯზე უზრდის ღარიბაშვილი მერებს და სახელმწიფო სამსახურში დასაქმებულ ჩინოვნიკებს ხელფასებს?!