შეფასებისა და გამოცდების ეროვნული ცენტრის ინფორმაციით, წელს 100%-იანი გრანტი 1 000-ზე მეტმა აბიტურიენტმა მიიღო.
მათივე ცნობით, სახელმწიფო გრანტი, ჯამში, 6 550-მდე გამოსაცდელმა მოიპოვა.
“2022 წელს სწავლის გაგრძელების უფლება მოიპოვა 32 100-ზე მეტმა გამოსაცდელმა, რაც რეგისტრირებულ აბიტურიენტთა 77%-ზე მეტს შეადგენს. სახელმწიფო გრანტი მოიპოვა 6 550-მდე გამოსაცდელმა, რომელთაგან 100%-იანი გრანტი მიიღო 1 000-ზე მეტმა აბიტურიენტმა, 70%-იანი – 1 500-მდე; 50%-იანი გრანტი კი – 4 000-ზე მეტმა გამოსაცდელმა.
ქართულ ენაში მომზადების პროგრამებზე ჩაირიცხა 1 390-მდე გამოსაცდელი; დაფინანსდა 200-ზე მეტი.
შეფასებისა და გამოცდების ეროვნული ცენტრი შეახსენებს მომავალ სტუდენტებს, რომ აუცილებელია უახლოეს დღეებში დაუკავშირდნენ უმაღლეს საგანმანათლებლო დაწესებულებას (სადაც მოიპოვეს სწავლის გაგრძელების უფლება) ხელშეკრულების გასაფორმებლად.
აბიტურიენტთა პირველი არჩევნის მიხედვით, გასული წლის მსგავსად, ლიდერობს შემდეგი საგანმანათლებლო პროგრამები: სამართალი, ფსიქოლოგია, ჰუმანიტარული მიმართულებები, ბიზნესის ადმინისტრირება და ჯანდაცვის მიმართულება.
2022 წლის ერთიანი ეროვნული გამოცდები 4 ივლისს ქართული ენისა და ლიტერატურის გამოცდით დაიწყო. მთელი საქართველოს მასშტაბით გახსნილმა 22-მა საგამოცდო ცენტრმა 90 000-მდე აპლიკანტი მიიღო, მათ შორის 41 000-ზე მეტი აბიტურიენტი. ძირითადი სესიების პარალელურად მიმდინარეობდა დამატებითი სესიები იმ გამოსაცდელებისათვის, რომლებსაც covid-19 დაუდასტურდათ”, – ნათქვამია ინფორმაციაში.
ცნობისთვის: დღეს, 12:00 საათიდან ერთიანი ეროვნული გამოცდების საბოლოო შედეგები გამოქვეყნდება.
მსგავსი სტატიები:
“ხალხი ნაგავში იქექება, გავსებულია მათხოვრებით ქვეყანა” – სიდუხჭირე და გურია
ენერგო-პრო ჯორჯია ოზურგეთში გეგმიურ სამუშაოებთან დაკავშირებით განცხადებას ავრცელებს
ბათუმელი 15 წლის მოზარდი კორონავირუსით გარდაიცვალა
საქართველოში შესაძლოა, ახალი უქმე – „მამის დღე“ დაწესდეს
“ახლა სოფლებში ის დრო დგებოდა, როცა ბიჭებს ოზურგეთიდან ჩამოსული გოგოები გვიყვარდებოდა”
საქართველოში როგორც ერთჯერადად, ასევე ორჯერადად აცრილთა შორის კორონავირუსით ინფიცირების შემთხვევები დაფიქსირდა
7 ნიშანი, რომელიც მოახლოებულ თრომბზე გაფრთხილებთ
1 აშშ დოლარის ოფიციალური ღირებულება 3.1524 ლარი გახდა