არსებული შეზღუდვები 1 თებერვლამდე გახანგრძლივდა

საკოორდინაციო საბჭოს ბრიფინგზე ეკონომიკის მინისტრმა, ნათია თურნავამ, თქვა, რომ არსებული შეზღუდვები და კოვიდრეგულაციები 1 თებერვლამდე გახანგრძლივდება.

“ჩვენ ვიმსჯელეთ დღეს და მივიღეთ გადაწყვეტილება, რომ 1 თებერვლამდე შევინარჩუნოთ ის რეჟიმი, რაც დღეს არსებობს, წერტილოვანი შეზღუდვების. ჩვენი ამოცანაა, რომ 1 თებერვლამდე დარჩენილი 2-3 კვირა გამოვიყენოთ, რათა აქტიური კომუნიკაცია გვქონდეს ბიზნესებთან და მოვემზადოთ 1 თებერვლიდან უფრო უსაფრთხო გახსნისთვის, თუნდაც ვაჭრობის სექტორის ან საზოგადოებრივი ტრანსპორტის მხრივ”, – თქვა თურნავამ.

გააზიარეთ და მოიწონეთ სტატია: