„ეს ქალბატონი ვისი მსახურია?“ – მიხეილ ყაველაშვილი სალომე ზურაბიშვილზე

“გუშინ, პრეზიდენტმა კელი დეგნანის ხაზი გააგრძელა, ვის უნდა საქართველოში ომიო და თან უკრაინის ხელისუფლების სოლიდარობაზე მოგვიწოდებს“ – ასე ეხმაურება ,,ქართული ოცნებიდან“ წასული მიხეილ ყაველაშვილი საქართველოს პრეზიდენტ, სალომე ზურაბიშვილის განცხადებას, რომელიც მან გუშინ, 1 სექტემბერს გააკეთა და პრემიერ-მინისტრს ,,ოცნებიდან“ წასული ოთხეულისგან გამიჯვნა სთხოვა.

ყაველაშვილის თქმით, საქართველოს პრეზიდენტმა ის პოზიცია დაიჭირა რასაც ისინი აპროტესტებენ, კონკრეტულად კი ყაველაშვილის შეფასებით, სალომე ზურაბიშვილი ქვეყნის ომში ჩართვის მოსურნეებს უჭერს მხარს.

„პრეზიდენტი რას გულისხმობს, საქართველოს პარლამენტის წევრს და ქვეყნის მოქალაქეს კითხვის დასმის უფლება არ მაქვს? თუ მაქვს, მაშინ შინაარსში გამომყვეს. გუშინ, პრეზიდენტმა კელი დეგნანის ხაზი გააგრძელა, ვის უნდა საქართველოში ომიო და თან უკრაინის ხელისუფლების სოლიდარობაზე მოგვიწოდებს. უკრაინის მიმართ საქართველოს მოსახლეობა პირველივე დღიდან სოლიდარული ვართ, მაგრამ უკრაინის ხელისუფლების წარმომადგენლები ომში ჩართვას რომ მოგვიწოდებდნენ, ვინმემ საქართველოს პრეზიდენტის პასუხი მოისმინა, როგორ მოგვიწოდებდნენ ომისკენ ჩართვას? პრეზიდენტისგან მსგავსი პასუხი მოგისმენიათ? – პრეზიდენტმა თქვა, მტერი ისაა, ვინც საქართველოს ომში ჩართვას მოუწოდებსო და ჩვენ სახელები და გვარები დავასახელეთ. პრეზიდენტმა ამას პასუხი გასცეს“, – განაცხადა ყაველაშვილმა.

გარდა ამისა, მმართველი გუნდის ყოფილმა წარმომადგენელმა, პრეზიდენტი ზურაბიშვილი, საკუთარი ამომრჩევლის და ხალხის მიმართ გულგრილობაში დაადანაშაულა.

„პროცესში, რომ საომარ მდგომარეობაში როგორმე პროცესები, რევოლუციური ცვლილებები განვითარებულიყო, პრეზიდენტმა როგორი პოზიცია დაიჭირა? – ის დამაბალანსებელი ვერ იქნება, რადგან აქეთ არის სრული ბოროტება, რომელსაც თავის თავზე აქვს ეს ყველაფერი გამოცდილი. როცა ერთ სიბრტყეზე დააყენებ ამ ბოროტებას და ძალას, რომელმაც აგირჩია, ამ ძალის უკან საქართველოს მოქალაქეების უმრავლესობა დგას, ვინც პრეზიდენტად აირჩია, იმას ვერ გრძნობს, რომ ამ ხალხს შეურაცხყოფას აყენებს. ეს ქალბატონი ვისი მსახურია? – თუ საქართველოს მოქალაქეების მსახურია, მსგავსი რიტორიკით არ უნდა ისაუბროს. პირდაპირ ჩანს, თითქოს ის არის ევროკავშირის წარმომადგენელი, რომელიც მოგვიწოდებს, რომ გინდათ თუ არა, 12 პუნქტი შეასრულეთო. საქართველოდან განყენებულია და ასე მოგვიწოდებს – პრემიერი ბრიუსელში ჩავა და აბა, რა გზავნილი ექნება. საქართველოს პრეზიდენტი რაღაც მსაჯულივით გვესაუბრება“, – განაცხადა ყაველაშვილმა.

გააზიარეთ და მოიწონეთ სტატია:

მსგავსი სტატიები:

“ქართული ოცნება” ახლა ვირთხის დღეშია”-დეპუტატი ვიმედოვნებ, ბუკნარში ყველაფერი უმოკლეს ხანში დასტაბილურდება- მუფთი ადამ შანთაძე “დღემდე საქართველო იყო მაგალითი: მეტი მეტისთვის,ახლა, მაშფოთებს ის, რომ საქართველო უახლოვდება სიტუაციას : ნაკლები ნაკლებისთვის” “სალომე შენ ,სალომე სხვას სალომე იქ , სალომე აქ  და ხალხს?! ხალხს არაფერი!!!!! ხალხს იმედი ,ოცნება , “უცნობი” და “ნაცნობი” თაღლითები! ცუდი ამბებია საყველიეში დათა!!!” ხან შედიან, ხან გამოდიან, თავში ქვა უხლიათ, ესაა ჩვენი პასუხი – კობახიძე ოპოზიციაზე “ფეიკი დასკვნა შესაძლოა გახდეს ისეთი რამ…რასაც ომბუდსმენის პირდაპირი პასუხისმგებლობა მოყვება”-კობახიძე გიული ალასანია ჯანდაცვის სამინისტროში დაიბარეს პუტინის ომის კოშმარი – ცხოვრება დაბომბვის ყოველწუთიერ მოლოდინში