საქართველოს მოქალაქეობასთან დაკავშირებით, 2022 წელს რუსეთის 3 265 მოქალაქის განცხადება იყო მიღებული. მათგან მხოლოდ 728 პირს მიენიჭა მოქალაქეობა, – ასე განმარტავს სახელმწიფო სერვისების განვითარების სააგენტო IDFI-ის მიერ რუსებისთვის მოქალაქეობის მინიჭების თაობაზე გავრცელებულ ინფორმაციას.
უწყება წერს, რომ ის 728 პირი, ვისაც მოქალაქეობა მიანიჭეს, “წარმოშობით საქართველოდან არიან”.
“პრეზიდენტის მიერ საქართველოს მოქალაქეობის საგამონაკლისო წესით მინიჭებისთვის აუცილებელია, რომ პირი წარმოშობით იყოს საქართველოდან და აკმაყოფილებდეს კანონით გათვალისწინებულ სხვა მოთხოვნებს. კერძოდ, მოქალაქეობის მიღების მსურველი უნდა იყოს – საქართველოს ოკუპირებულ ტერიტორიაზე მცხოვრები ან ამ ტერიტორიიდან იძულებით გადაადგილებული, ასევე სხვადასხვა დროს პოლიტიკური მოსაზრებით ან სოციალურ-ეკონომიკური მდგომარეობის გამო ემიგრაციაში წასული პირი, რომელიც დღეისათვის სხვა ქვეყნის მოქალაქეა და სურს სამშობლოსთან კავშირის აღდგენა.
სააგენტოში საგამონაკლისო წესით მოქალაქეობის მინიჭების მოთხოვნით 2022 წელს წარმოდგენილ იქნა რუსეთის 3 265 მოქალაქის განცხადება. მათგან საქართველოს მოქალაქეობა საქართველოს პრეზიდენტის მიერ მიენიჭა მხოლოდ 728 პირს, რომლებიც წარმოშობით საქართველოდან არიან და ამასთან აკმაყოფილებენ კანონით დადგენილ მოთხოვნას საქართველოს სახელმწიფო ენის, საქართველოს ისტორიისა და სამართლის ძირითადი საფუძვლების ცოდნის დონის შესახებ.”- წერია განცხადებაში.
მსგავსი სტატიები:
პიროვნება, რომელმაც თანასოფლელი ტრაქტორით მოკლა, დაკავებულია
გერმანია ჩვენი ძალიან მყარი და საიმედო მხარდამჭერია – ირაკლი კობახიძე
ქარტია: “შესაძლოა თეა წულუკიანის ქმედება შეიცავდეს სისხლის სამართლის დანაშაულის ნიშნებს”
2020 წელს ბავშვებზე სექსუალური ძალადობისა და სქესობრივი ექსპლუატაციის 254 საქმეზე დაიწყო გამოძიება — ანგარიში
გორის სამხედრო ჰოსპიტალში მიხეილ სააკაშვილის მოსანახულებლად ბუბა კიკაბიძე მივიდა
საქართველოში ხდება გამოცხადებული მკვლელობის ქრონიკა პუტინის დავალებით – მიხეილ სააკაშვილი
დამალულ სიმართლეს ფარდა აეხადა – პუტინს სავარაუდოდ ფარისებრი ჯირკვლის კიბო აქვს
„ყურები ბუჩქებიდან“ და ტექნიკური მთავრობა – გიორგი თარგამაძის ედიტორიალი