ოზურგეთის მერიის მაღალჩინოსანი ნასვამ მდგომარეობაში ავარიაში მოყვა

ოზურგეთის მუნიციპალიტეტის მერიიის სამხედრო განყოფილების უფროსი, გელა ჭანუყვაძე, ნასვამ მდგომარეობაში ავტოსაგზაო შემთხვევაში მოყვა.

გელა ჭანუყვაძე საკუთარი ავტომანქანით რუსთაველის ქუჩაზე გაჩერებულ ავტომანქანას შეეჯახა.

შეჯახება იმდენად სერიოზული იყო, რომ ორთავე ავტომანქანა გამოუსადეგარია.

ოზურგეთის საკრებულოს თავმჯდომარის, დავით დარჩიას სიტყვიერი მითითებით (გელა ჭანუყვაძე ამ უკანასკნელის გარემოცვაა), ოზურგეთის პოლიციამ მომხდარი ფაქტი დამალა.

როგორც თვითმხილველები გვეუბნებიან , შეჯახების შემდეგ მანქანიდან გადმოყვანილი გელა ჭანუყვაძე ძალიან ძლიერი ალკოჰოლური თრობის ქვეშ იმყოფებოდა.

ჭანუყვაძემ რამდენიმე ადგილობრივს სიტყვიერი შეურაცხყოფა მიაყენა,რის გამოც ადგილზე მასა და ადგილობრივ მაცხოვრებლებს შორის ადგილი ქონდა  შეხლა შემოხლასაც.

საბოლოოდ ჭანუყვაძე ადგილიდან პოლიციამ გაიყვანა, დაზიანებული ავტომანქანა კი იქვე , ერთ- ერთი მაცხოვრებლის ეზოში საგულდაგულოდ  გადამალეს. მეტიც,როგორც გვეუბნებიან ,ოზურგეთის პოლიციის მაღალჩინოსნების ბრძანებითვე საპატრულო ეკიპაჟს ადგილზე რაიმე სახის საგამოძიებო ქმედებების განხორციელება აეკრძალა. დაზიანებული ავტომანქანის მფლობელმა( ჩვენ მის ვინაობას არ ვასაჯაროებთ)კი ,პოლიციისთვის  ოფიციალური მიმართვისგან გასაგები მიზეზების გამო თავი შეიკავა.

შემთხვევა ქალაქ ოზურგეთში რუსთაველის ქუჩაზე გასულ კვირას მოხდა.

გააზიარეთ და მოიწონეთ სტატია:

მსგავსი სტატიები:

ლალი სიჭინავა კულტურას უხელმძღვანელებს-ნატო ხომერიკი მერიამ დაიწუნა “ჩემს კოლექციას ახალი საფოსტო ბარათი შეემატა, სულ როგორც ვიცი რვა ბარათია გურულების გამოშვებული, ექვსი უკე მაქვს”-ირაკლი მახარაძე დღიური ხელფასი 50 ლარამდე გავზარდეთ, მაგრამ მაინც კადრების დეფიციტია – თხილის მწარმოებელთა ასოციაცია ვინც კოვიდ–ინფიცირებულია და ვისაც ოჯახის ექიმი ვერ უკავშირდება-, რას წერს ოზურგეთის “მედალფას” ექიმი 27 აგვისტოს კოვიდ სტატისტიკა ოზურგეთში ჯანდაცვის სისტემა მთლიანად ჩამოიშალა – 32 წლის ოზურგეთელი მამაკაცის ისტორია “არ ტოვებენ რკინის არაფერს” – ოზურგეთში ეზოების გაქურდვა დაიწყეს ”ნასაკირალის ბრძოლის შემდეგ ტყვედ აყვანილ კაზაკებს გურულები როგორც სტუმრებს ისე ექცეოდნენ”